設計師群中的過氣IT人(十）：學術

在這裏，每一件新產品都要得到市場推廣部門的接受才能順利推出．

「我覺得business人會覺得個藍色太sharp」別以為這是設計師說的．

以往做IT，同事會分析市場，再決定怎樣用技術是讓用戶得益．只要是容易使用，而又有特定功能，版面再老套的也會有人用．在這方面，產品設計也大致相同．只是，形狀、顏色等也同樣是影響購買的決定．於是乎，為了避免主觀爭論如「這個藍色太sharp」等問題，同事們會有系統地追蹤那一些顏色形狀較受歡迎．而市場推廣同事也會在產品推出後，繼續追蹤產品的受歡迎程度．總之，就是希望能延續「人氣程式」．然而，真的有方程式嗎?

香港人：城市中的悠閒

朋友們或自己都有個慣性，就是假期要旅行去減壓．為的是要脫離平日生活的軌跡．原因是香港太小，假日只能到戲院商場，原因是香港節奏太快，只能在外國才可以放慢步伐．

卻原來，只在乎你怎做．

早前的一個戶外飲食展，地點是西九海旁．20度左右的下午，試著不太懂何謂好飲的紅酒，躺在草坪上聽著結他合奏．想起一年前到柏林的一個週日市集．
或者，我們不一定要古根漢．

設計師群中的過氣IT人(九）：人工

設計師們都愛workshop。要做個新guideline？先開個workshop。要改工作流程？先開個workshop。總之，要傾過先。當中不可或缺的，是咖啡。

因附近沒有starbucks，而Starbucks又受一眾外藉同事喜愛，公司在最近一個workshop安排了咖啡外賣．問一問同事，才知道一天兩輪的咖啡要以千元計埋單．八卦的同事們第一個反應是：「嘩！落D水落D咖啡豆就收咁多錢，都食水好深喎！」還是一個做PM的同事心水清：「若果淨計咖啡就係，加埋個桶，仲加埋人工，你話呢?試諗下用我地設計師同事每小時收客的價錢去送咖啡，點止呢個價．」

又係喎．都唔記得人地成日都話我地貴．

香港人: 觀塘變身

從前觀塘是工業區，下班時份坐車經過，總是一陣工廠廢氣味。

事隔多年，以為工廠北移，原來的工廠都變得死寂吧！卻原來一座座玻璃幕場的商業大廈已聳立於廠廈之間．

而且，在香港政府決定要「活化」工廠前，多元化的樓上舖、畫廊已進身其中．繼早前到過的一個Gallery外，更發現了一個像是直接從內地移殖到香港的國畫展館．它更包辨國語、二胡、書法等興趣班，比工聯會更工聯會．
此外，樓上舖當中除零食、時裝外，竟然也有賣海水魚的！香港人也可真靈活．

觀塘碼頭一帶亦從以前彌漫著工廠汚水味的溝渠變身為休閒的海濱長廊．一眾龍友聚集在海旁等待日落．
當年的貨櫃碼頭，今天仍舊運作，但也變成遊客們拍攝對像．想起來，有點似在阿根庭首都Bueno Aires工廠活化區的景緻．

你望咩？

於佐敦睇門口的它...

B觀點: time share vs multi task

執筆時想不起怎去翻譯這兩個字 : Multi-tasking和Time Sharing．

中四讀電腦時，這兩個字指不同的電腦運作模式．Multi-tasking指的是電腦同一時間做多項工作．而time-sharing則指將電腦運作時間分成多份，每一項工作分到若干份之一的時間，看似multi-task，實則所花時間相等於續一把所有項目完成．總之，就是扮multi-task．

常常在工作間聽倒這年代大家都要multi-task．無他，因為忙．但早前有報導，指分心一邊温習一邊聽音樂的學生成績會較一心一意温習的差，那怕只是稍稍分心．就是一為中文的一句「分心」．看看自己，其實同一時間只能想一件事件，硬要在電腦開多個項目同時進行也好，到一天完結要關機時，每每發覺有擱在一旁還沒做好的事．若果做一件事期間給打岔，往往要費時重新組織．或許，應許要開始「single task」

我自己: I 瘋

根據同事非正式統計，公司的70名同事中約有30多人用不同型號的iphone．或許是因為都是設計師，所以比率較一般Office高．不過，平日坐地鐵，環顧四周，不難發現iphone擁躉，像在日本地鐵常見的情況，很多人邊坐車邊拿著電話不停按．

不同統計都顯示iphone是去年十大手機．而我甚至相信它有可能是最暢銷單一型號手機．公司的法國同事甚至認為，用過蘋果的產品後便不會再想用其他牌子．姑勿論這是否過譽，盡管推出後有接收問題、有富士康血汗工場傳言，本地供應商推出網上預訂的一天我還是聽到同事會都在下午兩點開始努力上網．而結果，有同事甚致怕買不倒而最後買了兩部．

講到似旁觀者，其實我也是排隊等買的其中一人．結果是，登記三個多星期後，再加上當天等近半小時後，iphone 4終於到手了．

而從那天起，平常上下班的閱讀時間便變了iphone時間，聽網上電台、聽podcast、睇ebook、上facebook，再加上網上數以十萬計的Apps可以下載，有點似是上了癮．像是一個走在街上的電車男．這刻因為還是新玩具，就給自己一個藉口多玩一會吧．

香港人: 兩種沉默

首先，對還有留意這個blog的你說聲不好意思，已一個多月沒有更新．

最近在街頭遇上兩個不同組合，他們同樣的選擇在食肆沉默的坐下來．

先是在漢堡飽店的三個韓國人．她們坐下沒多久，便伏在桌上小睡．任憑八卦的旁人把他們的睡姿拍下，也懶得看緊放在身旁的相機手袋．看來她們是在購物天堂內打轉又打轉，走到筋疲力盡，所以連買點食物去裝作顧客，甚至講話的精力也沒有．（回想起來，自己去旅行時怎樣累也不會這樣的沉默．)
另一邊廂，是週未下午的咖啡室．一雙情侶坐下良久，各自各的看著眼底下商場的遊人．沒有甚麼特別表演，也沒有甚麼展覽．在我看完一本雜誌的時間，他們也就保持著沉默．當然，從購物過程知道他們是會講話的......是這麼的一切盡在不言中嗎?又或是與其拾人牙慧不如沉默？

香港人: 港人精神 -- 唔精神

係平日太忙(住去玩)? 香港人真係要瞓多D...

俾佢瞓下添啦...

香港人: 港人精神，我行先

跟同事講起香港人跟日本人的分別，其中之一是香港人較靈活．不過靈活的另一邊，就是會「踩界」．好似佢地咁，

雖然寫明「請勿進入」，為求最佳景觀，一於無視警告，走進去慢慢看．

不過相比當時埃及旅行時的團友，簡直小事一樁．當年埃及古墓內的壁畫並無任何保護，該團友邊看邊摸著畫，領隊好言相勸．團友稍為收斂，但領隊一轉身就立刻多摸幾下．總之，越禁越要做．

設計師群中的過氣IT人(八):你Ｄ bar chart好複雜

幾經轉捷,過氣IT人又再一次回到設計師群當中。

工作是要處理日程．沒想到第一步已叫人費煞思量。一般而言，我們會用Excel或 MS project去溝通時限和步驟。當然，在一般公司是如此簡單。

這裏的同事們看到 MS Project後會說「究竟點睇？」、「以後唔好再用，咁複雜」、「用Excel畫咪仲簡單」．誠言，Project的圖表講唔上易睇，同一畫面又太多資訊．但每一個項目的手動式去畫流程．就好似大陸國慶的「人陣畫版」－－low tech又花工夫．若稍為花心機，相信不至於太難明白．換轉來說，我們這些不懂設計的去理解他們的工作也要花時間．

講到這刻，又會想起一個剛轉職的設計師．去年剛復職時，他輕描淡寫的說：「這是你們常用的嗎?看來我要學學怎樣去看．不必再為我們畫另一個了」可惜好的已離開了．

小創作: on and on (2 / 2)

第五 (觀眾)

「唔好氣餒喎」留言o既,係當初問我有冇blog o既網友.

心感安慰,起碼我唔係對空氣講野. 心情好左D,出去逛下商場.咁「橋」撞倒一個中學同學.「唔得閒都同大家見過面打個招呼」原來今晚同同學聚會就o係呢度.之前都唔想去,點知都係避唔甩.

只係10年多D,個個都唔同晒,有「身光頸靚」的,有提早步入中年的, 大家坐下來, 不像剛畢業時不斷在考專業資格.意氣風發的都在講炒樓炒股,賺幾多.就係怕會係咁場面.還是盡快打完招呼離開.

「我呢期都追睇緊一個失業blog」亞芬.中學時的班長.原來最近半年都失業.席間即時有兩三個人表示有追看.其實都有衝動話個blog係我寫.但三思後都係盡快離開.


第六 (熱爆)

雖然只係幾個人,但係都有D飄飄然.唔怪得之咁多人恨做明星. 打開電腦想繼續寫之際,發現有好多人留言鼓勵.仲有雜誌email約我做訪問.

「對於人稱『失業紅人』呢個現象,你點睇法?」原來,有幾個forum轉載左我個blog,近一兩年又有為數不少就業不足同失業大軍.認為我個case代表左呢個世代.雖然我唔知點解吹得咁大. 個記者就話外國有好多人寫blog發達,又問我係咪多年來堅持理想.仲鼓勵我出書添!

佢講開理想,我先諗起早排執屋睇返細個留底o既作文.細個果陣我話自己想大個都講古仔.唔通真係可以靠講古仔養自己?原來我咁樣返左咁多年工就係等今日.

我一邊幻想將來會點樣飛黃騰達,一邊開始諗計令個blog寫得精采D,公司打黎叫我做freelance,有見工機會,都成為我個blog內容.而同時,開始有email寄黎提議事情應該點發展,如應該如無線電視劇般有三角關係等.我開始覺得自己係一個專業作家,仲係紅果隻.


第七 ()

如是者半年,公司當然冇freelance,不過好在有寫blog. 又有讀者.當稿件累積到一定數量之後,我決定打電話俾之前訪問我個記者.

「唔知你有冇法子幫我出書」

有佢幫手搭路,實掂啦! 點知,到頭來佢只係俾左兩三個出版商聯絡方法我. 直接聯絡過他們後,轉眼又過幾個星期,送稿後都冇迴音. 難得十幾年都未試過咁上心做野,我決定自己出. 仲搭到路去書展擺.

結果,在書展賣出了10本,都是一些forum上認識的網友.「其實好多人想支持你,不過大部份文章我地都?網睇過,而且又仲?緊工」

在書展收拾的那天, 一個書商告訴我,坊間有幾個同類形blog.叫我可以參考下.據說,其中一個係專業作家化名寫的.

倒頭來,還是要重新開始

小創作: on and on (1 / 2)

第一 (想做咩?)

「大個左要做咩?」小學三年班的老師問
「講古仔,畫公仔」我這樣回答.

「點解你會想教書?」
「講o下講o下又一日,又多假期,又早放工,仲年年都只要講同一份note」初中年代跟死黨說.

「點解想o黎做?」
「我好鐘意寫program嫁!又覺得份工作好有挑戰性」第一次見工時這樣回答,唔通話當時最好pay係佢咩


第二 (Office生活的最後一天)

「你俾我中左六合彩,睇下仲見唔見我?」我這樣的回答這位剛轉組、才畢業半年的同事.

帶著他在office走,正要介紹眼前的同事,才發現忘了這位採購同事的名字.在裏5年多也沒講多過半句,難怪.

一班同事正在討論網上購物流程,不同情況的處理,看來有點hea. 互相介紹後, 當新同事想發言之際,秘書進來叫大家開臨時大會.心想,慌唔係老闆又有咩新idea,一切推倒重來咩

「因為經濟氣氛急轉,公司將專注發展投資,網站開發將轉以共同開發模式」好聽D,全部人即時變為公司partner,實際D,就係freelance,有job時公司就call我地,冇job就你死你事.

枉我仲忍左咁多年留底咁耐.


第三 (得閒)

公司個幾星期都冇job,返緊工時就趕趕趕,而家就忽然攤咁耐.

一時間多咁多時間,都唔知做咩好. 平日想唔駛做,但30出頭就早左D.唯有日頭自己一條友逛商場,夜晚就上網hea下.

平日減壓都靠shopping,不過依家齋睇,不到一星期已膩.某日去麥記過日神,旁邊的媽媽品神咁叫個小朋友做功課,小朋友點左亞媽去買野,我話俾個細路聽,讀左書都唔代表咩.哥哥大學畢業,結果都唔知自己做咩.點知小朋友仲醒過我,「我好清楚嫁.咁依家要靠屋企養嘛.你呢?悶到要撩細路傾偈,攪咩」

攪咩?我咩都唔想攪.

返屋企上o下forum留言.有網友見我成日留言,問我有冇blog,佢話佢都寫緊個旅行blog.我都想寫下自己點樣風花雪月,但係我連食飯都揀下午茶時間買埋兩餐...

「咪寫下失業囉」

我係freelance,唔係失業...


第四 (失業blog開張)

第一篇: 「freelance的生活,每天都等待挑戰 (句號)」

第二篇: 「freelance繼續在等待他的挑戰.十分期待」

第三篇: 「freelance的挑戰.原來是對未可預知未來的等待」

真係寫寫o下先發覺自己唔記得中文點寫.中五以後都唔駛寫. 題目就仲唔知點.第四篇到底要寫咩,總唔可以十篇都期待.今日發生過咩事?咪同之前一日一樣...

第四篇: 「freelance主動出擊,打電話到客戶公司問o下有冇job,但係唔夠5分鐘就俾秘書hea走......其實我唔應該咁傻打番去.」

不如就寫下見工經驗?

第五篇: 「freelance想了解市場,決定扮見工.上網睇睇,原來依家咁多巧立名目o既資格...」寫寫下,第五、六、七篇, 講下點過日神,又講下點揀工, 點寄求職信,又點樣石沈大海.

某天電話響起, 「今個禮拜方便黎見工嘛?」終於有工見.都四五年冇見過工,似樣D o既西裝都冇一套.到場仲慘.又緊張,又要講幾年都冇講過o既英文,最慘仲係,對方又嫌我貴又嫌我D skill outdate晒.

其實佢有冇睇清楚我份CV嫁,唔請咪唔請囉,駛唔駛踩得咁盡.就係咁將一肚氣寫晒落個blog度.

不過又會諗,點解攪成咁.咁多年循規蹈矩,又冇練精學懶...

(to be continued)

幾回味: 日式咖哩fans,請留意!

日式咖哩連鎖店CoCo壹番屋，終於登陸香港喇！
位於觀塘apm商場旁的鱷魚恤大廈．由於舖面唔算大，晚市時間都要等十多分鐘．不過同日本唔同，唔係自助式快餐，服務及裝潢都較近Pokka級數．
同日本唔同，標準飯量較日本多100克，加辣又唔駛錢．值得推介係，加$25就有齊餐湯、沙律、餐飲同雪糕！(お得！)

香港人:有人管都幾好

原來有人管都幾好．

週日下午，坐地鐵觀塘線往旺角方向．人迫迫，站著直到九龍塘才有座位．就是因為方向跟高度不同，才發現一直站在我後邊的男人有些異樣．

40來歲，短褲、涼鞋、T恤．面容看不清楚，因為他似乎正在偷偷吃東西，雙手把白色膠袋套在咀上．起初只覺得偷吃也不用這樣偷偷摸摸．過了一會，嗅到一種味道，抬頭一望時恰巧跟另一乘客目光碰上．大家都發現了是那個男人．正在車廂內「揩天」．由於是易燃物品，也不知他身上有多少，以立時提高警覺．幸好，到站時他已下車．

看情況他的癮很大，才會急於在車廂內「上電」．而不理周遭目光．不過諗深一層，佢分分鐘已經揩左幾十年．一直都冇人阻止，到依家40幾歲，如果唔係犯法俾人拉，又仲有邊個可以管到佢?然而，唔犯法，都可能有好多問題......