名古屋一個窿:夏天到了

在名古屋，怎樣知道夏天到了?

• 踏入梅雨季
• 越來越熱 (當然!)
• 越來越多見到人着浴衣 (註一)
• 越來越多升學廣告
  
• 開始有烟花睇
  

係呀，可以行完一個祭 (註二)，帶埋啱啱買左D野食，再走去草地坐低睇烟花．

講到烟花，當然冇响香港咁「噓冚」，1500發烟花放一個鐘，起初就係逐個放．係！逐個放．
不過，每幾分鐘就會一堆放．而日本人同香港人唔同，佢地唔會「嘩~」--而係
「Hea~」「好靚呀」「好犀利呀(註三)」．當你覺得悶果陣就會有野睇下.....就响得烟花出現時，發現地上更好睇．就好係上屆冬季奧運個Samsung廣告咁，面前滿佈手機屏幕的光．大家都等待著拍照．

題外話．若果你留意左下角，會發現有個坐輪椅的觀眾．在這樣，他們都佷溶入社會啊．公用設施、節日、地鐵等，不是因為這裏特別多坐輪椅的人，而是他們都願意走出門口．而當然，相對的設備和服務亦較好．

你呢?你夏天就左咩?

註一: 浴衣，類和服，簡單D，uniqlo都有得賣
註二:（日語「祭」的意思，即有路攤、祭祀，即係睇日劇見到人地玩撈金魚o既場合）
註三:係呀．日文好o既唔好o既形容詞都唔係太多．所以咩都係「好犀利呀(註三)」