主辨機構稱為「無家者」的真人圖書們告訴我：
年約60的街頭露宿者
「住左响度七八年......平日咪坐响公園度囉。」
「要飲水，咪去美沙酮o個度飲」
「以前跟老母煮飯俾人食。 」
（「咁跟住有有做過咩？」）
「......」
「派到去新界咁遠(指公屋)... 個邊又唔識人......」
約三十多的單親媽咪
「帶住兩個(小朋友)，都係到最近先敢出街。」
「試過追個仔唔切，俾架車撞倒..... 好彩(架車)轉緊彎」
「一房一廳，都夠住呀。以前住仲細啦」
「派到去新界，有咩事邊個幫我睇住Ｄ細路」
「揾學校咪揾多D資源ｏ個D...... 參加D唔駛錢ｏ既班，敲擊樂佢學左一次冇興趣，不過手風琴佢就話好玩。」
「都有架。好似之前(仔女)話想買羽毛球，咪同佢話好貴，冇錢買。」
(「佢地唔扭計咩？」)
「又冇喎」
「其實我咩都俾唔倒佢地，咪盡量咩都帶佢地試下囉..... 之前第一次去社區中心借玩具」
「係呀，未著過o既款咪算新(衫)囉。佢地(仔女)都不知幾開心。」
年約三十多四十,於天橋露宿
「住左七八日。邊度近開工咪去邊度囉。」
「一來一回(屋企同工作地點)，交通費好貴。」
「好下等o個D (工)，清潔呀、地盤呀。夜更咪多D」
「搬搬抬抬o個D，我地邊有佢地(南亞人士)咁夠力呀... 有時收到電話咪問埋佢地(附近的露宿者)」
「經過咁多層(中介人)，你話呢」 (「有冇試過揾長工？」)
「我地呢Ｄ人坐唔定」
「得個八千幾蚊，仲要等到月尾先有。寧願即日有幾百蚊」 (「有冇試過攞綜援？」)
「都唔夠我打工多」
「真係好攰先瞓得著.....雖然瞓著左，但係都聽到(車聲)。好似D貨車呀咁」，讓我直接的接觸他們。期待下次的活動。
我們每一組會帶一個小禮包給「真人圖書」。包括餅乾、支裝飲品、拉環罐頭和一張飯票。
探訪期間也有兩段關於食物的小插曲。
第一位真人圖書，收過小禮包後，急不及待的先消耗了餅乾，似乎很肚餓。(也許我們該一開始將禮包給他)
一位不是大會邀請的露宿者,在我們對話期間,在「真人圖書」的背包中拿去了餅乾。因而起了爭執。
就在我們為了寬頻不再無限上網而煩惱時，我們身邊的人正在為一塊餅乾而爭執。
