嘆世界：逛逛名古屋(二)

名古屋都仲有唔少特色景點。

你或者唔鍾意運動，但名古屋棒球場 o既氣氛可能改變到你。棒球响名古屋都可以話係一件事，有自己主場o既隊伍中日隊。或者你唔明比賽規則，但觀眾席上的啦啦隊載歌載舞，穿上偶像球衣，按不同選手出場嗌不同口號，投入而氣氛高漲。

原味啤酒花其實好香，名古屋附近有朝日(Asahi)啤酒廠可以參觀。 只要電話預約，完全免費，仲可以最多飲三杯啤酒。工廠內可以睇足製作過程，有點似小時候參觀汽水廠。不過就冇文具禮物包。

如果碰啱秋天到名古屋，要去一去市內ｏ既德川園。有點人工，但亭台樓閣、錦鯉湖溪、葉黃葉樣樣有。內裏的美術館值得一到

睇番之前：
逛逛名古屋(一)

香港人：快啲幫自己打氣啦！

吹氣巨鴨固然得意，但俾人鬧不知所謂的大舊屎仲過癮。

西九這個叫「充氣」的展覽，只要唔諗太多，見到啱就擺個絶post影相，去海邊個超大吹氣彈床跳到甩肺。

你會見到啲daddy跳得開心過仔女，有人傻傻哋不停撞啲吹氣石柱群。

有家長叫小朋友篤pat pat，有人倒樹葱，有人側手翻，為左雙腳豎起影張相。

當然唔少得有自信滿分的。

現場或facebook上所引起o既反應可能展品本身更有趣，哈哈！

開到6月9號咋。