社區 支持小店

香港的確很方便，半夜兩點幾都可以行幾分鐘就買倒野食。方便的背後，好一部份來自大財團的便利店。

不過，有一群人寧願唔方便，也要支持小店。簡單講，就係唔想遲Ｄ冇晒本地小店。例如在天水圍的例子，因連鎖店進駐居邨商場，他們便多走幾步去隔離邨。

平常都習慣會去超市買東西，貪佢地開得晏，又多選擇。早前嘗試到小店，一句：「老闆，有冇XXX」，然後很自然的老闆就會話俾你聽用佢時有咩要留意。你一句我一句，很親切。

有人話大財團講句野都大聲Ｄ。的確。不過，我地可以盡少少力令情況唔再差落去。

當然，連瞓覺都唔夠時間就唔駛諗。


　

我自己 :即食藝術家

小時候，愛畫卡通公仔。叮噹、加菲貓。畫下畫下，時間容易過。
當然，係以前。

早前，趕潮流的去了一次art jam。
所謂art jam，講到底，就係一個地方有齊用具。

有一個問題是：「畫好放邊？」
香港地方細，唔通畫好之後就收埋佢？

之後，先諗「到底要畫咩？」

結果，我就畫左......






已經唔記得上次畫畫係幾時。依家做得最多係check email。

三個鐘，轉眼就過。睇住一塊白畫布變成一幅畫，睇住以前學過o既仲用得番，感覺很好。

當然，要自己買一套畫具就不用了。不知下次幾時。

就咁做個即食藝術家，感覺真不錯。

我自己：雪櫃

搬屋真是一闊三大，像亞媽說「咩都要多一套。」
跟獨居的同事講起，「可以買二手呀！」

原來很多人都在買賣二手傢俬電器。政府網站，商業網站，百花齊放。搬屋換傢電，用舊左，新屋送o既傢俬唔啱用，原因各異。而且新舊都有，我想買的雪櫃，甚至一百蚊唔駛都有一部。

而運作好簡單。睇啱貨品，網上留言，等電話或電郵回覆。有需要可要求物主上載照片。講啱價錢就約交收。

不過，動作一定要快。試過早上睇啱一個雪櫃，下晝三點約好駛交收，下晝五點就俾另一個人買左。經過一兩個星期，最後只好買個新雪櫃。

新雪櫃真係好可愛。好似有無限空間去放你最喜愛o既食物。

看著看著，想起自己也要在生活上騰出點空間。

p.s. 若果買得成二手電器，真係可以洗少少。

小時候：曲奇

「小時候每次都只能喝一小瓶益力多。
那時候想，若果可以一次過喝啤酒杯那麼多會是怎樣？
結果，在第一次part time出糧時，便實現了這個夢想。」

這是，日文老師的分享。

第一反應是覺得他很傻。再認真想，是麥當當的薯條。第一次吃，是小學時，媽媽帶著幾兄妹一起分一份薯條和漢堡。那時，很想一個人吃一包。那時，甚麼都得來不易。

早前，才想起還有它。

小時候，它每年只來一次。農曆新年時。從親戚手中送來。

還好，媽媽並沒像電視趣劇般把它轉送給其他親友。待新年過後，珍而重之的把罐打開。

每次，只會吃兩三塊。當然，還要跟家人分。那份牛油香味，真的叫人想一次吃個夠本。不過，吃完後又得要等一年了。

長大了，忘記了它曾經是如何的美味。

今年輾轉從媽媽手中收到一罐。一直都沒有打開。直到某個週未，想起老師講的話，想起小時候那每年一次的約會。又再一次珍而重之，每次只吃兩三塊。很滿足。

香港人：承傳

或許很久沒有參加過，覺得今年的六四集會跟從前不一樣。

同樣有激昂、非黑即白的口號。新領導更沒有舊的那份文人氣質。不過那不是唯一，台上台下似乎比從前有希望。台下，有九十後的情侶開玩笑、拍照；有父母帶著幾歲又或是十幾歲的小朋友，平靜地解釋著過去；有學生三五成群的來參與。台上，年輕的主持有幹勁的去鼓勵大家，不要忘記，同時亦要放眼現況。沒有愁雲慘淡，假以時日說不定會有節日氣氛。

朋友說，澳洲有記念大戰英雄的節日，也是歡天喜地的去慶祝，說不定有天我們也能。

我自己：牛肉

除了住宿年代，從不需要煮食，也許是幸運。

早前，想吃牛肉，走到街市的肉檔，「唔該想要牛肉。」檔主氣定神閒，伸出一隻手指......指向旁邊的肉檔。他是賣豬肉的。

平常買肉都在超市買，包裝紙上清楚例明產品名稱、重量。但價格相差頗遠。如青紅椒，在街市不到一半價錢就可以買到。不過，遊戲規則不一樣。

看到這裏，也許你會懷疑我煮的東西。

這是「一丁涼麵」，換了麵底，口感跟餐廳吃差不太遠，而且只是把材料切幼，伴醬汁就OK。

香港人：下重注！

晚上九時左右，依然人流不絶，為的是破紀録的一億奬金。
「等我check o下係2定22。」神情繃緊的師奶站在投注窗口前打電話確認。
「四注電腦，兩條七個字。」
「六張電腦。」

我用幾分鐘排隊只買一張電腦飛，似乎很沒有大志。

畢竟這是從早上踏入辨工室已有的計劃。身邊的同事都有意無意的提醒你。
「你話呢！中左仲返？」大家都把希望押在這裏。目標明確。或許，是因為期許的在能力內無法達到。

小時候，總愛幻想將來自己會成為醫生、律師、老師。總之，都放在自己身上。現在，都放在別處。記得早前讀一本關於工作的書講到，一個人要工作得快樂，首先要叫自己喜歡眼前的工作。感受就會變不一樣。

一試無妨。

B觀點：人人人人

早前的一個Lego展，看到一排又一排的Lego人，驟眼看來一模一樣，就似是車廂內的上班族一樣。但細看之下，
當年有個老闆話：「你唔可以expect人人一樣。」比如，各人有各人諗法、態度，領悟力有所不同。

同事會話：「點解D人可以咁冇責任感，就咁走左去！」當然，對方可能係懶，有可能係後生、冇責任感。但亦可能只係佢放工後有更重要的事要做，又或者，佢只係唔明。

又好似，有個朋友常投訴老闆如何的變態，同事如何的無能。從另一朋友口中得知他雖然終於逃出魔掌，但新工作情況類同。「或許是態度決定命運。」朋友說。

社區：景賢里

謝謝朋友邀請，才能到訪幸運地給保存下來的景賢里

雖說某程度上已不是原裝正貨，仍能憑大樓去想像當年的氣派。

中式大樓能坐落於當時主要給洋人居住的跑馬地半山，相信殊不簡單。景緻優雅，飽覽港島東景色(而不是今天坐落在遍遠地區，卻強說自己是豪宅的那種景)。聽說當年電視劇「京華春夢」也是在這拍攝。

後園草地上不難發現原裝瓦頂的「殘骸」散落，想當年被拆時必是相當激烈。

不曉得將來這大樓會如何發展？　只求它別要變成一坐超級市場或餐廳......

我自己：雪櫃

當年，到達名古屋的宿舍後才知道雪櫃要自己攪掂。

冇諗過三年後ｏ既今日，又再次為雪櫃而奔走。

因地方細，也因為想慳錢，所以一切從簡。

經同事介紹下，原來香港都流行二手網站。細看，原來真係平好多！平均二千蚊ｏ既雙門雪櫃賣六百蚊。幾經轉折，都同心儀對像擦身而過。還以為香港人唔鍾意二手貨。

正如家人說：要駛的始終要駛。終於要看看那裏會賣得平D。如果唔係可能要好似當年咁攪成個月......

我自己: 看櫻花

往常，櫻花代表了散聚。新學年，新入職。至少，可以聚首在樹下暢飲。

今年氣氛因核事故變得不一樣。同事問，在日本的朋友安好嗎？會缺甚麼嗎？

朋友主要都在日本的中部，跟東北有一段距離，除了因每天滾筒式播放的新聞而有點情緒低落之外，暫時未感受到影響。在香港的我看不到櫻花。不過，發覺城中處處洋紫荊燦爛盛放，有點像櫻花。看著看著，入神了。希望在遠方的朋友也同樣。

B觀點: 洗少少(六) - 唔搭飛機去旅行

「最好一年去四次旅行！」 係藉口亦好，係因為屋企太細都好，好多香港人都成日跑出去。所以，若果可以去少D旅行，慳唔少！ 其實香港都有D地方好有外國feel，就好似呢個商場，難得仲未俾大集團攻佔，有D似一個有蓋o既台北士林夜市。有各式各樣至in至入時正(翻)板衫褲鞋襪、AV用品，比如多到你用幾世都用唔完o既iphone套。難得仲要係唔貴。

當然，唔少得有東西南北美食。夜市馳名的白苦瓜汁、珍珠奶茶固然有，四川麻辣粉、日式crepe、港式小食......　大概三四十蚊可價錢都唔睇咁掃街掃到飽！

個商場响邊？葵涌廣場，葵芳站一出即到。

更多貼士洗少少(一) / 洗少少(二) /洗少少(三) / 洗少少(四) / 洗少少(五)

香港人: 反應快

事發已三星期，暫時似大局以定。 香港人，確實反應快。這邊廂搶鹽搶奶粉。那邊廂罷買日(入口)貨。以往大排長龍的日本食肆變得門亭冷落。 平時掛羊頭話自己係日本貨的，急不及待金蟬脫殼。 高級日本食肆，一星期蝕一百萬後斧底抽薪，轉型西餐廳，五月再戰江湖。小型日式餐廳，紛紛轉菜牌謀生。 日本人，安份的坐在家中避險，到近日才拍片上 youtube，掀出彈盡糧絶的事實。

安份的告訴我，可能要減少上網，將電力留給有需要的人。

安份的將「災民」、「未日」的報導暫時移離大家視線。

香港的朋友都讚日本人冷靜。或許，更積極的向他們借鏡。

香港人: 好冷靜

早前看藝術節的Lost Tango，覺做藝人真的要很高EQ。 因買平價飛，坐在背向演出者的位置，亦即跟演出者看到的相約。音樂節拍雖然強勁，然而坐在最前排的觀眾反應欠奉，有睡著的，有部份中途離場的。表演者畢竟經驗老到，似乎未受影響。奇怪是完場時掌聲熱烈。是觀眾太冷靜了嗎？ 其實，台下的反應很重要。記得中學年代的一個老師說，很多時教書都不知道學生是否明白。而這時他會看看我，因為若果我明白，我會很自然點頭。

不過，似乎不少觀眾都以為Lost tango是一個跳舞表演，到表場發現難免失望。

若果你也有看，送上在阿根庭街頭的tango。覺得tango好看在於即興。

香港人：到底寫咩？

有得開餐，話知你要罰1500蚊。
「亞sir，我地係鴿，唔識字喎！」

不過，有時去旅行又何嘗唔係咁，自己都試過一次。

賣左去東京機場火車票，見仲有成個鐘就响車站附近周圍hea，到要閘，先發現買左一個鐘前o既車飛。雖然係自己攪錯，冇得怨天尤人。但本住「我係遊客，我唔識字」，即管問問。蝦～　佢地竟然肯俾我入閘。佢地對傻頭傻腦o既旅客真係善良。