名古屋一個窿:游泳操

好可能係只此一家．

係．係游泳操．即係如果你有上過訓練班，落水前要一齊做熱身果一種．唔同o既係，大概每個鐘做一次．就响上個星期日發生．

之前果日37度，終於令我捨得駛500 yen响日本游第一次水．其實同响香港游水大致一樣．但細節就幾唔同．比如，唔可以戴錶或首飾，一定要戴泳帽等．不過最特別都算係每個鐘全人類離開泳池休息，跟住會有廣播．「一二三四，二二三四...」大家，係！係大家，就會跟住做熱身操．就我所見，幾十人之中只有一兩個人唔做．至於點解? 可能驚你落水會凍啩...睇下有冇機會問下人...

p.s. 泳池影唔倒相...
p.p.s. 結果，果日游左1400米，比以前响香港多400米...攰到震