二三四，聖誕快樂

或者忙係一個藉口，攪到今時今日先有時間寄出這聖誕祝福......　

你好嗎?這是年初時去芬蘭跟雪人先生小姐合照．有時好似佢地咁無所事事都幾好．等個腦休息下，下年又再搏殺過．你呢?今年抖左未呀?

小創作: christmas tree is falling down.....

B觀點:老師再培訓

早前參與了一間中學的週年紀代表演．覺得有些老師有再培訓的需要．其中例子如下：

一班小學生努力表演過後， 在後台透過電視觀看同學的表演．在看得投入時，因阻礙後台通道而被勸離開．大部份學生都無奈地離開．唯獨是兩個學生和老師．當工作人員再提醒他們，老師兇惡地對學生說：「唔准有人响度」．就這樣，只剩下老師入神的看電視．難道老師不是人嗎?

B觀點:咁樣都好靚

你平時可能冇留意，我對腳都好靚o架！可以轉個位睇下 :)

幾回味：法蘭度的異國風情

又一廉價推介．當然，所謂廉價是相對的．今次是廉僄的異國風情．

相信你都會覺得，距離我們一小時船程的澳門在保留歷史方面比香港做得好，所以，那裏更易感到中葡交匯的氣氛．就好像這家在黑沙灣的法蘭度．

因為在沙灘旁，因為沒有冷氣，因為一次外藉人在當侍應，因為沒有太熱情的菲律賓人在奏樂唱歌，沒有跟鄰坐零距離，一切都來都很cozy．

當然，更重要是食物的選擇．


朋友推介這裏的飽和燒豬．這裏的餐前飽都是新鮮出爐．外層脆，內裏鬆軟．就是簡單的配搭牛油也很好味．我想，若果在歐洲旅行時吃到的法飽都是這個質素，那我當時就不用為了慳錢而每日食到咀都損...

燒豬外還點了沙律和沙蝦．都是很簡單的烹調方法，沙律只是加了檻欖油，而蝦就是加了一些秘製醬料．好味在一個字: 「鮮」

新鮮的生菜番茄沙律


炒大蝦，好味得食指大動


你可能會問，為甚麼沒有影燒豬，那是因為食過炒蝦後已滿手是油，想睇就要自己試下


p.s.: 好奇怪，位於澳門黑沙灣的法蘭度，牆上的裝飾竟是印有香港字樣的水泡...

B觀點:靠近睇

靠近睇，唔只得黑頭同粉剌

幾回味:廉價的温暖

係打邊爐．

跟同樣平價的大家樂「一哥火煱」唔同，吉野家唔賣大堆頭，而係有D質素o既食物．

39蚊o既餐，個煱有冬姑、魚彈、豆腐、金菇同烏冬，加埋牛肉、miso、温暖o既白飯同埋芝麻醬，份量固然足夠食飽兩次．口感亦值回票價．

一般打邊爐D豆腐都「鞋」口，難得今次食到o既係有少少食豆花feel．牛肉嘛，一貫吉記的半肥瘦牛肉，再配埋芝麻醬，簡真係邊爐絶配！不過，登登燈櫈，最重要當然係個湯底．今次試左個濃湯底，個湯竟然有D似青紅蘿蔔煲豬或牛肉，略帶甜，同D野食夾到絶．

比起大家樂的一味大堆頭但有時如食擦膠的質素，39蚊的吉野家火煱確係贏半條街．

p.s. 食完都真係飽得緊要，畢竟係食左一碗飯加一碗烏冬，要有準備先好去食

香港人：着左燈喇

聖誕節燈飾己經着左喇．

係時候去準備收爐，享受下節日氣氛．當然講到節日氣氛，近年真的要多得各大商場．他們都落力的放聖誕樹，放假雪，將聖誕帽加响所有卡通人物身上．漸漸地，發現好多相都响商場入面影...

我自己:冇海景

Charles o既位係冇海景,淨係一大堆紙...

如果要海景,要擰轉背,穿過老細房先見到,就好似咁

香港人:唔該查一查

唔該揾人查一查．早一兩日都仲見到佢响度埋頭苦幹，心諗，嘩！佢真係好忙喎．點知今日就見到以下情況．唔通佢真係辛苦到死? 都係要襯未死前影多D相，到時屋企人揀相都有多D選擇．

嘆世界:我要將大自然帶給你

B觀點:七彩購物架

希臘的小島美麗的原因之一，是因為小屋都漆成白色和藍色，遠看就是錯落有序的一幅畫．香港的城市面貌又如何?

同一區域會見到不同年代不同高度、設計的樓宇，有的日久失收，有的高聳入雲...　或許這沒有秩序的拼圖正是它有趣的地方．不過若果要揀，我希望不同大廈有不同顏色，像貨品般整齊排例

香港人:老師罰留堂

晚上九點的food court，背著斜揹袋的一個中年男人靜靜坐在一旁改簿．想他可能是老師吧．

以前的老師都是在轉堂時或放學後的下午留在學校改簿，為甚麼他要等到九時許？難道他罰自己留堂?

B 觀點: 諗大D

你想變大， 就真係可以變大 ．

我估，响呢張相內，傻Ｂ都有半層樓高．

B觀點:過定唔過?

有時候都想有人點紅點綠

睇真D? 真係一棧向你 o既交通燈都冇． 响咁o既情況， 就要靠自己喇．