係打邊爐．跟同樣平價的大家樂「一哥火煱」唔同，吉野家唔賣大堆頭，而係有D質素o既食物．
39蚊o既餐，個煱有冬姑、魚彈、豆腐、金菇同烏冬，加埋牛肉、miso、温暖o既白飯同埋芝麻醬，份量固然足夠食飽兩次．口感亦值回票價．
一般打邊爐D豆腐都「鞋」口，難得今次食到o既係有少少食豆花feel．牛肉嘛，一貫吉記的半肥瘦牛肉，再配埋芝麻醬，簡真係邊爐絶配！不過，登登燈櫈，最重要當然係個湯底．今次試左個濃湯底，個湯竟然有D似青紅蘿蔔煲豬或牛肉，略帶甜，同D野食夾到絶．
比起大家樂的一味大堆頭但有時如食擦膠的質素，39蚊的吉野家火煱確係贏半條街．
p.s. 食完都真係飽得緊要，畢竟係食左一碗飯加一碗烏冬，要有準備先好去食
8 comments:
我星期五本來想食,結果賣晒..
聽完你講...我會再搵機會試試
係囉,大xx果d就唔會試啦,但對呢個鍋都有d興趣~
不過好似分量真係好多...
果然係好吃!
今日先同jerry提起有無試過吉野家嘅火鍋, 就見到你個飲食報告, 真係好!!
各位,記住只係value for money o既選擇... 唔可以同小肥羊等比較...
我唔食得牛肉，冇得食，很灰..........
jerryccy,咁我唯有食埋你果份.
昨晚終於食到了.
有兩款湯底可選, 你吃的應該是清湯.
我選了濃湯..都幾好...湯不是味精水..飲完覺得仲好舒服..
芝麻醬..ok..但不是我想像的味道
牛肉..一貫吉野家的水準..份量唔少...
食完都幾開心
Post a Comment