B觀點:小時候

小時候，喜歡中秋節，原因?可以攞正牌夜瞓同出街玩．

小時候，為上茶餐廳緊張，因為第一次要用刀义．

小時候，勁歌季選是大件事，因為那是重要的娛樂．

小時候，跟媽媽和兄弟姐妹到麥當勞分一份薯條汽水，很好心，因為薯條很香只是偶然食到．

小時候的印象越來越模糊，但就是容易記得開心的時間．是因為選擇記住開心的部份嗎? 現在同樣是中秋節，同樣是麥當勞，同樣是勁歌季選，感覺就是不一樣．

是要不時提醒自己嗎？

B觀點:老歌

朋友講Show Mi觀後感，觀後也想講一講．

自問不是Sammi歌迷，當「叮噹」、「螢光粉紅」等一連串快歌響起．好一部份只聽到和音，但以她的歌藝聽到聽不到不太重要．這些歌鈎起不同階段的回憶，加上Sammi上了電的投入，將雙手變成螺旋槳般旋轉，在台上有忘我的舞步與對話，令我有超過二百蚊座位的投入感．

也許，現在的小學生會覺得Sammi老土，就像我們看徐小鳯、淩波，但我亦開始明白，為甚麼她們總有一班fans...

B觀點:洗少少(二)

難得唔少人都想洗少D，今次特別講講買衫．

若果買牌子衫，可能你會諗得仔細D，但若在中低價連鎖店如Giordano、uniqlo，或許你會買到一衣櫃都係衫．呢個時候，你可以問下自己:

1. 到底有冇差唔多款或色o既衫?
2. 到底同已有o既衫襯得好唔好睇?
3. 若果冇，係咪要買過一櫃新衫?
4. 你屋企有冇位擺?係咪要掉件舊衫先?
   
5. 係咪可以等減價先買?
6. 係咪可以試著下就滿足?
7. 件衫好睇，但你著得好唔好睇?
8. 著响你身上，人地會唔會以為係冒牌?
9. 件衫會唔會太popular，好易撞衫?
10. 會唔會shopping時撞倒明星?
    

我自己:禮物

因家居環境擠迫，收到的禮物都只能好好的收起來．時間一過，印象變得模糊．早前將他們重新再收拾一次，發現很多都很有趣，如相信已絕版的黃巴士擦膠、叮噹時光機釘書機(不是多啦A夢)，他們都記錄著那一個年代的樂趣．

幾回味: 韓式快餐

吃韓菜不一定要去尖沙咀的韓國街．早前恰巧經過蕪湖街，發現有一家叫韓國快餐(或Dosi...好像是韓文叫「都市心」)食品製作頗認真，50蚊左右的定食，有一個石頭飯，加8款前菜．前菜包括煎魚、泡菜、煎蛋、豆卜、大豆芽等．十足韓式風味，吃韓餐的賣點之一都莫過於前菜．

石頭菜本身嘛，賣相已值3分．味道亦可以．美中不足是飯焦不夠．但那可能是我在飯來的時候過早把餸菜拌勻．在吃到底時才有薄薄的飯焦．

如果這還不滿足，店來更播放著Rain的演唱會DVD...

地址: 紅磡蕪湖街近83號...

我自己:可能是我有點傻

某天晚上12時左右，正要坐巴士回家，到站時空無一人，準備排隊時，另一條隊的一個乘客用力向揮手，吸引了帶睡意的我．

眼前是個帶傻氣的陌生人，即時反應是：「又撞倒傻佬?」看看錶，猜想是他是想告訴我尾班車巳過．稍為走近，誰不知他是告訴我車剛走了．在這時份，等一班車要等十多分鐘．他身旁的人說：「他對每個人都是這樣．」原來，他真是體貼．

其實對人好並無不妥，是太少在街上碰倒善心人．甚至以為人是傻．睇黎，有問題係我．

B觀點:洗少少(一)

早兩天打書釘時看到一本關於理財的書，大致上說我們所花的錢比我們實際需要的多．若是真的話，或者我可以分享下點樣洗少D．

外出旅行時銀包特別爽，若看到超級有趣的玩意，很多人都會毫不猶豫．可試試在許可的情況下在店內拿目標來試試．就如最近跟一個小朋友到玩具反斗城揀玩具，我們每人拿著一把玩具劍比拼，玩過不亦樂乎之後，已再沒興趣買這劍．

當然，若果不能試玩，可以問問自己以下問題:

1. 買俾人定自己?
2. 買俾自己的話，有冇位擺?
3. 有位擺的話，要黎做咩?
4. 知道做咩之後，有幾何用?

其實答案並不重要，當問多幾問，你就會未必仲想買...

嘆世界：櫻

櫻花滿開呢．

其實放眼一看，香港的杜鵑在三月底四月時也開得很盛呢．

(攝於日本本洲山中)