幾回味 ：精緻點心

原來蔡瀾笑唔笑真係代表左間食肆好唔好食。

呢間响九龍城o既食肆，朋友推介話手工一流。果然，如棉花糖小白兔，甘荀型咸水角，又有創新的炸魚柳腸粉。

之不過，味道味，不是不好吃，只是較喜歡傳統如大榮華。而且，不用等大半個小時。

B遊踪：(009) 靜

記得人地話雪地很靜，因為雪會吸晒D聲。原來，沙漠都有D似，而且，仲黎得更單純。

個天一舊雲都冇，望向四周都只係睇倒啡色同藍色，聽到o既，只有呼吸聲同風聲。
再冇多餘input。

這個沙漠，在San Pedro。

响香港，可能要去録音室先至可以有咁靜。唔知係咪因為咁，心情容易煩燥。

記得早排先見過，放工時間迫上行人電梯的一個女生，在「jeep」站在她背後的女人，因她推了一下，繼而互相對罵，難為其中一個女人的男伴尷尬得似想揾窿捐...... 不如送佢地去沙漠靜一下?

B遊踪：(008) 雀

跑景點外，傻B仲鍾意接觸小動物。

















呢一班傻傻地o既雀，响和歌山縣勝浦前往中之島的碼頭上等運到。可能係因為平日，街上碰見o既遊人比見到o既海鷗仲少。唔怪得有人話，離開左東京之後，日本都係另一個世界。而同人一樣，佢地唔會好似其他旅遊點o既白鴿咁，佢地見到人唔會走黎揾你食野，自顧自的晒太陽。

記得之前遇過一個同事，佢都好似呢D海鷗咁，自顧自的返工，放lunch會自己一個人去公園睇書，唔鍾意埋堆。記得有次同佢傾偈，佢話：「無理由返工一定要係咁。」諗番起黎，都幾型。

幾回味：香港名物

去台灣買鳯梨酥，去上海買火腿，咁香港買咩嘢食好?

給外國朋友問起時，起初也會想不起。其實，買得走的可能不多，但好吃的多得很啊，就如出爐蛋撻。而最近吃過由灣仔快樂餅店出品的。

近下午5時經過，蛋撻剛出爐，獨特之處在於不太甜，吃完後覺得剛剛好，不膩。

對蛋撻的情意結，還在於由細食到大。

那時候，偶爾亞媽會在放工時買一盒回來，剛好一家人會人一個。道理跟60年代成長的日本人喜愛吃香蕉一樣，小時候吃甜的機會不多，蛋撻是其中一樣。到自己開始做part time補習，偶爾會在工作前後用兩蚊買一個奬勵自己。

現在吃甜的選擇多了，不過，遇到蛋撻出爐的機會卻少了。

B遊踪：(007) 空

趁週未走出去睇睇。

離馬鞍山恒安邨不到15分鐘車程，有一條可以眺望西貢的行山徑。

碰巧當日傻B經過時，有人在玩滑翔傘。



在香港玩這玩意似乎有點偖侈。不知怎樣時間就是不夠用，要在這裏玩滑翔傘，先要背10多公斤的器材走個多小時的山，還要等待風勢。就像他，本來可以飛到西貢，但因飛勢，稍飛一下便要打道回府。

不過，能有這樣的空間也不錯。

B遊踪：(006) 荷蘭站

去完葡萄牙，不如去埋其他歐洲地方?
有D似荷蘭喎，D窗咁大隻，仲到處都係花。但係，點解附近都係亞洲人?唔同係國內同胞去幫助歐洲經濟?　非也，其實呢度係日本九州ｏ既豪斯登堡。點解會係荷蘭?是因為有淵源。當年日經歷鎖國時代，荷蘭幾乎是唯一跟九州長崎有聯繫的歐洲國家。對於崇尚歐美文化，但英文一般的日本人，其實係一個唔錯選擇。對於唔想坐長途機，又想有歐洲feel，都可以諗諗。

其實豪斯登堡係幾靚，而且夜晚在河邊的煙花很燦爛。只是，傻B是早幾年才去的。當時日本經濟已開始蕭條，本地遊客屈指可數。說不定，今天真的受到內地客眷顧。就好以很多電子產品，從前都銷往外國，現在都不望神州，傻B米飯班主的公司亦然......

B遊踪：(005) 借來的葡萄牙

講起葡萄牙，呢輩人可能會諗起葡撻。雖然，係由澳門引入。
其實同葡萄牙有關有豈止葡撻？

例如大馬路旁的廣場，地磚的圖案，黃白配襯的外牆，藍白色磚的路牌，教堂遠眺的風景。第一次到澳門時不以為然，親身到過里斯本後，發覺感覺相近。


加下一個大家活焗豬飯都由三十蚊加到四十蚊，要儲錢去葡萄牙都唔知要儲幾多年。不如近近地去個澳門，加D幻想? 同場仲加送金雕玉砌的水都風情　－－　威尼斯人。

B遊踪：(004) 狗車

趁今日咁凍，傻B帶你由海灘去北極圈。

羅凡尼米响芬蘭，啱啱踏入北極圈。出發前，連呢個世界有呢個地方都唔知......
記得出到街，凍到癲。點解都要去? 探聖誕老人，就係撞彩睇極光。

不過，原來坐狗車都好好玩。先唔好理D狗拖住你可能好辛苦，四週好靜，只係聽倒D狗跑步聲。仲有，佢地跑得好快。因為沒有預期，反而覺得好好玩。

今日放工，四周又黑又靜，又涼風陣陣，如果可以坐下狗車都幾好......

B遊踪：(003) 海灘

太陽，似乎有讓人精神抖擻的力量。
聽說，北歐國家在日短夜長的日子，自殺率也會提高。

今天在公司也感到壓力上昇。也許是因為年初，又或是因為大家都從長假期回來，同事才不同午飯時間已媽聲四起，似乎有很多問題要處理......

跟這陣子陽光不夠有關係嗎?
在此，將布吉的陽光海灘送給在長假期後第一天上班的你。


p.s. 還有長期夜班工作的護衛和服務行業...

B遊踪：(002) 海旁

小時候講海旁，很多時指尖東海旁。沒有任何實際事做，就是在蹓躂。蹓躂，似乎是年輕的權利之一。

今天講的海旁，是「尖西」海旁。獨特之處，在於她是「期間限定」。位於城市心臟，卻養草十年，由直昇機場到音樂會場到經酒美食會場，她漸漸變成了我們的一片廣場，擁有維港天際線的廣場。可是，西九計劃已拍板，她將會很快發展成政府為我們規劃的模樣。

今天下午，到了一個沒有堆砌的西九活動。沒有大台，沒有廣播，一不留神還以為甚麼都沒有。買點，是你的參與。有用蔬果汁畫畫，有築起你的天際線，有藝術家分享，更有草民音樂會。

誤打誤撞的參加了一個活動，先是用了廿蚊，載滿了五個互不相識的人飛越維港天際線，接著是用了一百蚊變了一百個人的心願，對著維港旁的一個貨櫃箱投幣許願。若果你叫這動作為藝術的話，原來幾蚊雞就可以令你開心地參與在藝術之中，不一定要有世界級博物館。


下個週未，它們還有表演，你還有機會去嘗一嘗平民化的西九，踏一踏草皮，第一身在這佈景下參與。又或是，月尾的大戲棚。

B遊踪：(001) 登頂

傻B又出發喇！

雖然去過好多次，但依然覺得香港山頂與別不同。
眼前是差不多跟山頂一樣高的大廈，眼底下還是一片翠綠。香港，正正就是這樣的一個地方。


如果沒有記錯，第一次是跟人家人一起去，坐巴士，那是還叫做「老襯亭」。然後，開始覺得她不外如事，忘記了有這個地方。直到近年，因為幾個外地朋友，多了機會去山頂。漸漸，行山也會想起可以到山頂。也漸漸發覺，從前總想跑到外邊看，卻發現，其實我們的山頂也很特別。

不過，若果你還有很多地方未去，等我帶你去?