名古屋一個窿:各個分行各個例

第一天由宿舍的學長帶去銀行開戶口時頗興奮的．雖然大部份日語都聽不懂，就憑學長解釋加自己猜測便理解了大概的程序．「終於都好似日本人，有個自己戶口喇」

誰不知，這是一連串問題的開始．

開完戶口之後，服務員送上一張傳單．
內容好似好簡單．5月3-5號，銀行都唔開．OK喎，公眾假期嘛．咦?唔係喎，係ATM提款機都唔開喎．提款機都有工作時間咩?

跟住，就問銀行有關匯款．

為左唔駛麻煩家人，之前已經出左張銀行匯票．諗住開完戶口順手入埋票就攪掂．誰不知，服務員好似未見過匯票咁．要去問經理，服務員轉話，話要等半年之後先可以入票．

天啊!這是我這幾個月的生活費啊．難道這期間要練仙嗎?一再追問，都是沒結果．

當然唔可以就咁算．跟住個星期一，去左學校附近另一間大銀行，諗住開完戶口再入票．誰不知，店員話要等半年先可以開戶口．

半年?係開戶口喎．佢地真係唔恨做外國人生意咩? 將呢一萬個問號帶去問學校校務處，佢地話去另一間分行應該開到．

「另一間分行？」

「係呀．每一間分行處理會有D唔同」

同一間銀行隔一條街，就會有唔同例?結果...

我就開左兩間銀行戶口囉．

張匯票點?跟於再講．