大家都關心我食成點，上星期日，早餐就係：登登登dun.叮叮飯加調味料．
整好後覺得冇肉唔係好得，就再加左條媽媽腸．唔好睇少叮叮飯呀．每一粒飯都好有咬勁．真係唔可以同七十一果D平飯比．不過，成個早餐最出色都係D飯...
完整o既一餐當然要有生菓．為左唔好浪費之前買左o既橙，就算放耐左都照食．點為之放耐左...?
點解會咁？買左番黎又冇洗，又放埋一堆，上個禮拜又濕...點都好啦，好在剥在皮都冇咩．食左之後兩三日都冇咩唔妥，托賴托賴．夠唔夠飽...?結果午餐去左食一番屋咖哩，真係咩都補番晒．
至於平時，好多時lunch都係帶三文治．因為咁，同學仔都問夠唔夠營養．不過，其實都OK，星期一至六，宿舍都包早晚餐．而且，飯同湯都任添... 好唔好餸?你話喇
特別要提個咖哩飯，咖哩汁連入面D餸都係任添...果晚食到反肚咁滯...到左今日，又到左星期六．因為小小唔舒服，煮左個即食麥米粥，跟住就去左行街．行到四點幾見有D餓．又見到有個全國手信排名第11位o既Choco cro，咁無理由唔試下，係咪?
同平時Delifrance牛角包有D似，不過，仲加左芝麻，同埋半溶o既朱古力!!!淨係朱古力已經加分啦．再加埋又係名物，又肚餓... 都幾滿足．不過，只係一個開始．都係一句，無理由唔試下嫁... 回家途中順路經過Lawson睇下，見到一款新產品，面頭係乳酪咁口感o既芝士，最底有薄薄一層檸檬，同starbucks D甜乳酪有得fight，只係120Yen...
不過，我都留到食完飯先食．話時話，咁樣落去，好快就唔simple 喎．點算?
4 comments:
So-B,乜攪到好似咁慘架?!... 真係聽者傷心... 你都係post個地址出黎,等我哋寄d 野比你食... 哈哈~~
不過...如果你去到都唔試下地道野就唔抵...
好好保重身體~~
將混合了鮭魚飯素的飯弄成三角飯團，包塊紫菜，會好味D同好feelD架．不過，如果食飯團(おにぎり），我會去７仔，Lawson或Familymart買，有明太子啦，豚角煮啦，照燒雞啦．．．好好味架．．．連稅都係１２０－１５０円． 我成日都買おにぎり上火車食架．
不可不提，火車站KIOSK有好大個豆大福同草餅，連稅１０５円一個．有時會有季節限定的和菓子如桜大福啦，合桃大福．．通常放在cashier隔離，可比美源吉兆庵，我相信喜歡甜品的你也會愛上．^o^
嘩！好似好好味。我以前幾乎日日都係自煮咖哩飯。
都唔係太差啦...
你住嘅宿舍可唔可以生火煮食架? 等我哋糴包米寄比你..呵呵呵~~~
Post a Comment