三個外星人 - Part 3 : 外星移民

Part 3 : 外星移民

就係咁，睇外星人解剖o既晚上就變左俾一個同事帶在去一間唔知係點o既房，仲話帶左我去外星．如果真係咁易，我估美國人一早已經移民在去外星．係假o既，我諗．

我一直都咁諗．直到房門再一次打開．

房門外是一片橙色的光．附近已有幾個人站著．而服飾似係簡便太空衣．正在慢慢走過來．身旁的Kate已主動地走向他們握手擁抱．不過，奇怪的是，他們似是沒有對話．我走近去看，Kate真的沒有開過口．當Kate發現我在身旁時，以手勢示意介紹我．約有兩三秒停頓後，Kate似是忽然醒覺．

「呢個就係之前提過o既亞平」Kate這樣介紹我．
「你好，我係Edwin」站在最前的一位介紹自己．

目前為止已不是第一次．Kate似看透一切．「好多情況之下我地都明白對方想講」
「即係心靈感應？」唔怪得之佢好似知我諗咩．
「同你諗o既有D唔同，我地慢慢會帶你去了解呢個星球．」Edwin同Kate一樣，知道我諗咩．「不過請你暫時唔好再諗關於我身邊呢個女同事o既野」
我只係望左佢幾眼啫...

通常我地同初次見面o既人都會了解一下對方身份、興趣．但係佢地問都冇問．
「其實我預先做左關於你o既報告」Kate解開了迷團．
「我o既報告?」
Kate似是嘗試轉話題「而其實你都可以好似我地咁，如果你想留底」
「我地明白你對目前好多事都唔滿意，或者呢度會係一條出路」Edwin開始入題．
「我冇唔滿意，我每日都好充實」雖然知道抗辯沒有意思．
「所以，等陣會帶你去睇一睇返工狀況，見一份工，跟住Kate會帶你去睇一睇呢個社區係點．」
「你地都要返工咩?」
「咁唔通好似地球D戲咁，外星人淨係侵襲其他人，唔駛食飯」
「點解你地會對我有興趣?」
「我地星球歡迎任何移民」