嘆世界: SA - 30 hours flight

yes, when you see there is no photo and content in English, you can bet that I am travelling.

After 30 hours flight, finally landed in south america this morning, for the first time in my life. It was a sunny morning. Sitting in the cab arranged by youth hostel, watching the dawning Rio de Janeiro while listening to cozy 90s oldies. Emerged in holiday mood... though there was a lot waiting for me today.

To cut it short, not able to read portuguese make even ordering lunch almost not possible. Riding on wrong bus or missed the stop, prices are higher than expected...

Anyway, was relaxed and laying on bed to recover from effect of jet-lag just now...

Stay tuned~ will be updating irregularly.

我自己: 大花筒

當你唔覺唔覺咁用晒銀包D錢，唔知你會唔會講：
「駛錢好似倒水咁」

又或者
「真係荷包有鬼」

我最近就個鐘有鬼......返o黎幾個禮拜，起初仲會諗，趁有時間温日文，做運動，睇戲．點知每日執o下野，上o下網，食o下飯，咁就冇晒D時間．而且同駛錢唔同，冇得揀唔駛，儲埋第日先用......

不過話雖如此，頭先就好耐都冇試過咁將朋友D blog近期update睇左一次．先發覺，如朋友覺，可以如此hea都係一種福份．睇見有D blog半年冇update...
p.s. 這是中環的一個短期糖果籌款corner．

我自己: XXXX

「XXXX．一蚊一隻雞」
「XXXX．都唔知份工仲可以番幾耐」
「XXXX．唔好氣餒，為香港打氣」
「XXXX．逆景自強，點樣可以盡快番身」

呢四個字，比當年宣傳愛滋病廣告更厲害，開電視、聽收音機、睇報紙，一日最少聽倒廿幾三十次．唔通真係咩都關XXXX事．遲D可能

「XXXX．越來越肥」
「XXXX．今日好眼瞓」
「XXXX．屋企隻貓死左」

可能名古屋都係咁．好能聽唔明，冇咁o既feel...

意外

真係冇陰公．一個二個瞓晒响條街度．

路經o既司機都唔忍心，會駛過隔離線．
下晝再經過案發現場，已經全部都唔响度．

我自己：走了

因為煙花每年都有，認定下年也會有．

日本的一切，就像櫻花，知道有限期，任何的相遇也可能是最後的，任何事都覺得新鮮．香港的一切嘛．暫阻讓自己放下．

在香港的他走了．

知道留在香港亦不會有太大改變．畢竟就像日落般自然的事．或許走會比留下來得輕鬆．只是會覺得遺憾．當然，沒有來日本也會可惜．

名古屋一個窿：再見櫻花 櫻花再見

「日本年年都可以見到櫻花，點解大家都仲好似咁期待？」跟一起聚會的日本人看過夜櫻後，這樣的提問．答案很簡單，就是從小都有這種期待．

用自己的思考方式，香港每年都會看到煙花，漸漸會當家常便飯．所以見到他們這樣熱中會覺得不可思議．

去年剛來時看櫻花，一條人跑到名古屋城看櫻吹雪，覺得很有詩意．這次，朋友帶我到有早櫻的地方，看到花，想到轉眼一年．

同時，也體會到將要跟這邊才開始熟絡的朋友說再見．說到底，是因為知道有一些人是「此次一別」，所以在珍而重之去講，去見面．

名古屋一個窿: skyline

朋友說，10年前的名古屋沒有高島屋，沒有midland square等．那麼，照片中的高樓當時都不存在．據說，車站旁會再建一座80層的大樓．
去年剛來的時候，就像所有遊客一樣，「啊望到好遠啊．」極其量就講到多一兩個地標名．昨天再看同一景色，會認得出踩單車經過的街道、常到的百貨公司、當然還有在最左邊的學校．再看看去年相似的照片，感覺不一樣．

p.s. Skyline... 中文叫咩?

名古屋一個窿:K一個窿

「會很怪吧，但是很想去啊......」

從中學時代就覺得Ｋ是一班朋友才會去．一齊又唱又跳先至開心．所以當這個星期想到要唱K，但又找不到腳時，一下子就不知怎麼．

這邊朋友不算多．較為趣味相投的只有一個都喜歡看展覽的前輩．而喜歡唱K的，又總有理由不去...

「一個人，一個鐘」這樣跟櫃台說．

現在回想，想起剛開始上班時，因為OT，同事又撇晒．第一次「一條冷」食晚餐．覺得怪，是因為從前在宿舍總會找附近房的人一起吃．係個人懶左?

原來唱足一個鐘都好累，不過真係好盡興．就好似終於食到一件想食好耐o既疍榚．

有朋友問，留學生活怎樣，當中沒有預想的就是這經驗．

p.s. 第一次在K熱唱的歌．
１．Mr Children 的 「印(しるし)」
２．Remioromen 的 「透明」

p.p.s.　邊個幫我影想?　係早前同同學一齊時影落

名古屋一個窿：昨天的咖啡

又忘記了．

晚上喝過咖啡總是睡得不好，只是因為晚餐有「無限添飲水bar」，試過不同的茶之後，就喝了很久沒喝的Latte．咖啡很香，很滿足．不過問題就在晚上1點多開始．

躺在床上，像第一次的煎厚雞扒，左轉右轉又左轉，最後一次看鐘已是二點多... 然後，雖然還是很累，不到八點就醒了．想起今天是要去一個公園，探頭看看窗外，一點點灰矇矇．在一著微雨．

No...是很小很小的雪粉，像羽毛的，像粉末的．伸手去碰，只感覺到像冷的雨．想拍下來，卻拍不到．
雖然，現在還是很睏，但因為那杯咖啡，第一次在名古屋看到雪．

p.s. 講起雪粉，想起幾年前一公升眼淚的主題曲

名古屋一個窿:橫風橫雪

冇諗過會咁大雪．如果企响外邊10分鐘，應該會好似佢咁．

放心，唔係名古屋．聽聞舊年只係落左一日雪，今年就暖過舊年，據講唔會落．雖然，聽講全球暖化下氣温係會兩極化．

張相响高山影o既．因為係同同班同學可能係最後一次旅行，今年聖誕前後都好努力咁返part-time，儲夠錢一齊去 :) 高山冬天係點?要再等下我將D相放上網... 暫時可以睇下呢度．

名古屋一個窿:很懷念啊

已經是個多星期前的事了．

相信有部份在看的人今年也有考日本語能力測試，大家都順利過關嗎? 就好似以前考會考，考完後大家還在討論「今年難過舊年」「o個題答案係咩」「都唔知得唔得」．聽說，有一班朋友考完就去唱K，在K房還拿著咪高峰在討論答案，其實，自己唔識咪難囉，同班的韓國人是在講是否過三百五十分......

我的餘興節目嘛，就係第一次食烤肉放題．

雖然話係烤肉，實則由手握壽司都拉麵都有，有少少香港食buffet個feel．可能係因為小食，覺得只是用鹽醃的豬肉也很鮮．(當然，係唔係黑毛和豬（!)我就唔知啦)　同坐的有考一級的前輩．講到自己還糾纏在怎樣讓會話進步的問題，同時又快要結束兩年的留學生活......

大家都有一個同感，（或是錯覺)，考完試就快要回去了．要盡情的玩．其實，還有三個多月啊，要盡量努力吧... 我會這樣想，可能是年紀的錯．

回到宿舍，看到考試前一晚的書枱，想看中三那一年挑燈夜讀的事．大概是，那時對中國歷史沒有興趣，讀到一半就已經睡著了．到四點多不知怎的就醒了，發覺大事不妙就盡量把課文塞到腦袋裏．而當時書枱上的氣氛跟這一刻有點像．
過去一個月，每天回到學校都在用力的把文法塞進去，日覆日的做文法練習，到考試前真有點膩．就像中學時的中國歷史一樣．話雖如此，這方法對應付考試還算有效．

現在，這一部份要告一段落了，剩下來的時間要怎還用還沒有想好．不過，這段時間還算是過得充實，畢竟，付出了的一定有某程度的回報．這樣的生活真簡單而美好．

p.s. 謝謝你們的鼓勵啊．

名古屋一個窿:摩天輪

小時候有坐過摩天輪嘛？

海浪公園入面好似洗衣機咁果個唔算o既話，應該到大學之前都冇坐過．細個睇卡通片見倒時會好恨坐．好似坐左上去就會摸到個天咁．會好開心．

或者日本人都係咁諗，所以好多地方都會有摩天輪．遊樂場、碼頭旁邊、動物園就故然．响名古屋，連類似銅鑼灣o既榮，都有一個起响百貨公司度．不過，佢地叫佢做「觀覽車」．點都覺得冇咁貼切．

坐摩天輪，由排隊等就開始興奮，然後，踏入好似大空艙o既空間．慢慢離開地面，四週o既人會越來越細，會睇得遠好多．然後，一路轉上去，會變得同個天好近．好似變左識飛咁．同時，窗口吹入o黎o既風會逐漸變弱，跟住，地面o既人會慢慢變返大，就响仲覺得未坐夠時，太空艙o既門就打開...

睇起o黎好似變番同開始時候一模一樣，但係就曾經同個天好近．

就好會响名古屋o既時間咁．

p.s. 早陣子又要返part-time又要啃書，又懶左一排．不過，終於尋日考左試喇

我自己:沒心

朋友的blog死了，可能要花一段時間收拾殘局．

順道看看自己的blog．才發現－－很久沒更新了．這次不是去了那裏，一直都在名古屋．就是每星期都沒有抽時間寫blog．

不過，寫blog不齋戒沐浴，一言以蔽之，沒心寫．接下來的「好忙喇」、「揾唔啱相」、「今日太夜」等等，都是藉口．反觀，朋友的blog，就是想要做，怎樣也會把blog救回來．

沒心做的又豈止寫blog啦．

小創作:電梯的緊急制（四）

「快D睇下」亞聰向亞明叫著．轉頭又再睡著．
明走到控制台前，發覺，又是同一部．看著鏡頭，又是同一個男人
「又有咩事」這男人是在玩嗎?
「唔好發脾氣住」
被這樣一講，亞明更是氣上心頭．不過這次，男人很快就回應了．
「係呢，你地反應都好快，都冇10秒就回應」
就算係公司派黎都冇咁夜，不過，真係摸唔清個男人攪咩「咁都可能同人命有關」
「咁又係，如果我死左响度，都好麻煩」
「咁，今次有係咩事?」
「其實...你地係做咩」
做咩又同你有咩關係．亞明實在是沒有耐性同佢糾纏「我地好多野做」接著便準備離開控制台．
電梯的緊急鐘又響起．這次，沒有等亞明回應，對方已在講話．
「你仲响度?頭先麻煩左你，唔好意思......頭先入果陣，見到個對講機，唔知點解好想同你傾下偈．雖然我唔知你係邊個，亦都冇見過你．

不過，真係好想傾下偈．就算係一兩分鐘都好」

說罷，電梯開始在動．

第一 / 第二 / 第三

小創作: 關於 - 不能為自己做的事

首先，題外話．

希望在這段時間可以繼續寫故事，所以，就將所想的題材寫出來，觀迎各種感想/意見．

好，言歸正傳．

－－－－－－－－－－－－－－－－－－－－

所謂「不能」，可以是「千萬不要」，可以是「不可能」．這點暫不定論．

想到的，是「為自己一輩子做一個結論」．

就像畢業、結婚，或多或少都會為自己作一個結論，目前如何，之後要怎樣．諸如此類．那麼，在自己離開這個世界之前，需要嗎?或者，最不想見到的，像明星離世時一樣，忽然多了很多朋友，忽然變了聖人，變了信教，變了香港精神......　

可以的話，我會希望人生沒有遺憾．當中包括可以用自經理想的方式離開，離開時的儀式等．若果可以，最好重可以理一理單，睇下有咩未做，比如係駛晒所有錢，睇番一D好耐冇見o既人（舊情人?!），睇下有冇咩做錯左...

基本上，以上的都不可能做到．因為，我地唔知道自己幾時走．而就我自己而言，可能係千萬不要做．萬一，回頭一看，發覺自己一韃糊塗，而原來身邊的人都一直在忍耐...