嘆世界：逛逛名古屋(一)

雖然當地人都話自己係咩都冇（なにもない）。當然，名古屋已經被橫濱超越，淪為日本第四大城市，論大show或展覽唔夠東京多。不過，只要揀啱時間，小趣味都有唔少。

首先，當然要看他們的祭祀。除了某些奇趣祭，重點是感受一下熱鬧氣氛，一嚐動畫常看到的撈金魚和朱古力香蕉。
一月：熱田神宮初詣 (即我們的新年)
二月：奇趣的國分宮裸祭。男仕夠膽的話可參與其中。
三月：小牧市的豐年祭 （即陽具祭）
四月：犬山祭，小鎮，有幾過戰爭而保留下來的犬山城。
五月：太閤祭，小小的一個地區祭。
十月：犬山祭，睇紅葉都好靚。

另外，一年四季都有啱，好似春天可以去睇櫻花。約四月初，名古屋城的護城河和城內都會開滿粉紅色的櫻花。

七月，可以去睇烟花。（佢地叫花火）中部最大花火大會响岐埠，離名古屋不到一個鐘。不過名古屋內的名古屋港亦都有得睇。講真就冇香港咁靚。不過，四周啲人著晒浴衣（可以當係輕便版和服），又有大排檔食下野，都幾好氣氛。

夏天到名古屋，仲可以去下夏日期間限定的Beer Garden。其實有啲似啤酒節，多數在大廈天台，露天，有啤酒女郎陪玩小遊戲(健康的)。

秋天，可以去犬山城睇紅葉。至於冬天嘛......名古屋一個鐘車程內就冇咩睇，下次講下遠啲有咩睇。

嘆世界：柏林周未早餐

到柏林旅行，值得在周未吃個brunch。

Brunch有好多款，西班牙、土耳其，各適其適。不到10歐羅可以任食，最實惠的去試最多的當地菜。味道嘛，其實OK。

當天，當地朋友才第二次到這家在他樓下的店。多年來的第二次。也難怪，通常也是一家大細或是一大班朋友。而且一早起來吃得多的人不多。不過，若是當食晏的話？

到過一兩家，環境都舒適，基本上坐幾耐都OK。只是飲料另計。

Hea吓Hea吓，有點像我們星期天會去飲茶。

香港人：內有...

同樣係睇舖，會咁寫嘅人應該返得開心啲。

嘆世界：TaiO

大澳變得跟早幾年不一樣。當中，由前警局變身的酒店更是一絕。

百年的英式建築屹立於小山坡上，眼前的碼頭於九七年前是港英跟中國的分界線。建築物在被荒廢八年後得以恢復原貌。這裏，有口述歷史的導賞團，有難得的寧靜。

全天候的餐廳，一邊被樹木懷抱，一邊遠眺港灣與大澳大街，一邊享受蝦醬豬扒飽和蝦醬炒飯 ，悠閒得令人忘記時間。而且，價錢不比中環茶餐廳貴。

導賞要預約的
http://www.taioheritagehotel.com/eng/guidetour/guidetour.jsp

入住酒店的話
http://www.taioheritagehotel.com/eng/homepage/ShowGallery

嘆世界:室內的梯田

第一次到柏林時，錯過了柏林管絃樂團。

再訪時雖然因時差而有點睏，但若不是節目精采，相信早已倒頭大睡。正如朋友說，第一次聽的曲不代表不悅耳。

除了他們的表演外，他們的演奏廳也很值得到訪。

演奏廳的創作靈感源自梯田。觀眾席是一片片的田，目的是讓360度的觀眾都看清楚表演者。

也因為這個概念，演奏廳外的樓梯縱橫交錯。

大樓不同大小的五角形組合而成，縱使是建於60年代，現在看起來還很潮。

至於建築嘛，有點像一個放大了很多的香港大會堂。想起來，今年是大會堂的五十週年，該是建於同一年代吧。

要看他們的表演，還可以網上看啊。

香港人：對自己好啲

週末五晚上九時多，她一個人在吃飯。

經過一星期辛勞，我們或會獎勵自己，吃得好一點。她，似乎已擠出最後的努力於工作上，機㭜地吃這頓飯。

相信有一個目的在背後撐著她吧。

香港人：春天

驟眼看似一羣飛向燈火的蛾。
又正如昨天路經馬鞍山，路的一旁一片芬紅。

是時候了。

我自己：久別重逢

朋友的婚禮上遇上多年前的朋友。離不開懷緬過去，那時候一起講過的笑話，笑過的那些人。感覺就如同昨天發生的事。也難怪，那是我們共同擁有的過去。

難得同一天做著多年沒做的事－－排戲

上一次排戲已是四年前。

今天，能抽時間參加的人少了。多年前所謂的抽空，多少是優先次序的問題。今天，可能是有一頭家要照顧而抽不出時間。也所以，特別珍惜排練的機會。

今天，自我感覺良好，有點是重温當年光景，當然，也因為現縱使技巧上有點生疏，溝通與默契似乎較當年好了。而另一值得高興的，是故事是自己有份寫的。

還沒有機會當面跟這次的監製說句謝謝。

B觀點：拋來拋去

佢叫小花。
相片中o既佢追住玩具，再將佢拋來拋去，似乎玩得好過癮。
呢個係貓o既天性。

有時响公司都有同感，一班同事，將個波拋來拋去。就好似為左交收一粒螺絲，send左十個email。多得佢地，我要做o既就只係走出黎，同佢地一齊傾個電話。

原來我份工都唔算難做　:)

B遊踪：(010) 自助

勞動都可以好開心。

早前到川龍飲茶，發現全部自助。在廚房，可以配搭你喜歡的茶。點心，攞個盤戴滿自己喜愛的點心，而且要講彩數，亞姐同我講：「啱啱個客等左前個鐘先等到啲蝦餃再出黎。」相比在連鎖店劃點心紙，或者係因為付出過，而且叫咩都有，反而多一份滿足感。


就好似自己煮野食咁，有時唔一定比外邊好食，只係，自己一手一腳做，企响爐火前面忍過油煙，比起酒樓點菜當然好玩得多。

幾回味 ：精緻點心

原來蔡瀾笑唔笑真係代表左間食肆好唔好食。

呢間响九龍城o既食肆，朋友推介話手工一流。果然，如棉花糖小白兔，甘荀型咸水角，又有創新的炸魚柳腸粉。

之不過，味道味，不是不好吃，只是較喜歡傳統如大榮華。而且，不用等大半個小時。

B遊踪：(009) 靜

記得人地話雪地很靜，因為雪會吸晒D聲。原來，沙漠都有D似，而且，仲黎得更單純。

個天一舊雲都冇，望向四周都只係睇倒啡色同藍色，聽到o既，只有呼吸聲同風聲。
再冇多餘input。

這個沙漠，在San Pedro。

响香港，可能要去録音室先至可以有咁靜。唔知係咪因為咁，心情容易煩燥。

記得早排先見過，放工時間迫上行人電梯的一個女生，在「jeep」站在她背後的女人，因她推了一下，繼而互相對罵，難為其中一個女人的男伴尷尬得似想揾窿捐...... 不如送佢地去沙漠靜一下?

B遊踪：(008) 雀

跑景點外，傻B仲鍾意接觸小動物。

















呢一班傻傻地o既雀，响和歌山縣勝浦前往中之島的碼頭上等運到。可能係因為平日，街上碰見o既遊人比見到o既海鷗仲少。唔怪得有人話，離開左東京之後，日本都係另一個世界。而同人一樣，佢地唔會好似其他旅遊點o既白鴿咁，佢地見到人唔會走黎揾你食野，自顧自的晒太陽。

記得之前遇過一個同事，佢都好似呢D海鷗咁，自顧自的返工，放lunch會自己一個人去公園睇書，唔鍾意埋堆。記得有次同佢傾偈，佢話：「無理由返工一定要係咁。」諗番起黎，都幾型。

幾回味：香港名物

去台灣買鳯梨酥，去上海買火腿，咁香港買咩嘢食好?

給外國朋友問起時，起初也會想不起。其實，買得走的可能不多，但好吃的多得很啊，就如出爐蛋撻。而最近吃過由灣仔快樂餅店出品的。

近下午5時經過，蛋撻剛出爐，獨特之處在於不太甜，吃完後覺得剛剛好，不膩。

對蛋撻的情意結，還在於由細食到大。

那時候，偶爾亞媽會在放工時買一盒回來，剛好一家人會人一個。道理跟60年代成長的日本人喜愛吃香蕉一樣，小時候吃甜的機會不多，蛋撻是其中一樣。到自己開始做part time補習，偶爾會在工作前後用兩蚊買一個奬勵自己。

現在吃甜的選擇多了，不過，遇到蛋撻出爐的機會卻少了。

B遊踪：(007) 空

趁週未走出去睇睇。

離馬鞍山恒安邨不到15分鐘車程，有一條可以眺望西貢的行山徑。

碰巧當日傻B經過時，有人在玩滑翔傘。



在香港玩這玩意似乎有點偖侈。不知怎樣時間就是不夠用，要在這裏玩滑翔傘，先要背10多公斤的器材走個多小時的山，還要等待風勢。就像他，本來可以飛到西貢，但因飛勢，稍飛一下便要打道回府。

不過，能有這樣的空間也不錯。