名古屋一個窿:很懷念啊

已經是個多星期前的事了．

相信有部份在看的人今年也有考日本語能力測試，大家都順利過關嗎? 就好似以前考會考，考完後大家還在討論「今年難過舊年」「o個題答案係咩」「都唔知得唔得」．聽說，有一班朋友考完就去唱K，在K房還拿著咪高峰在討論答案，其實，自己唔識咪難囉，同班的韓國人是在講是否過三百五十分......

我的餘興節目嘛，就係第一次食烤肉放題．

雖然話係烤肉，實則由手握壽司都拉麵都有，有少少香港食buffet個feel．可能係因為小食，覺得只是用鹽醃的豬肉也很鮮．(當然，係唔係黑毛和豬（!)我就唔知啦)　同坐的有考一級的前輩．講到自己還糾纏在怎樣讓會話進步的問題，同時又快要結束兩年的留學生活......

大家都有一個同感，（或是錯覺)，考完試就快要回去了．要盡情的玩．其實，還有三個多月啊，要盡量努力吧... 我會這樣想，可能是年紀的錯．

回到宿舍，看到考試前一晚的書枱，想看中三那一年挑燈夜讀的事．大概是，那時對中國歷史沒有興趣，讀到一半就已經睡著了．到四點多不知怎的就醒了，發覺大事不妙就盡量把課文塞到腦袋裏．而當時書枱上的氣氛跟這一刻有點像．
過去一個月，每天回到學校都在用力的把文法塞進去，日覆日的做文法練習，到考試前真有點膩．就像中學時的中國歷史一樣．話雖如此，這方法對應付考試還算有效．

現在，這一部份要告一段落了，剩下來的時間要怎還用還沒有想好．不過，這段時間還算是過得充實，畢竟，付出了的一定有某程度的回報．這樣的生活真簡單而美好．

p.s. 謝謝你們的鼓勵啊．

名古屋一個窿:摩天輪

小時候有坐過摩天輪嘛？

海浪公園入面好似洗衣機咁果個唔算o既話，應該到大學之前都冇坐過．細個睇卡通片見倒時會好恨坐．好似坐左上去就會摸到個天咁．會好開心．

或者日本人都係咁諗，所以好多地方都會有摩天輪．遊樂場、碼頭旁邊、動物園就故然．响名古屋，連類似銅鑼灣o既榮，都有一個起响百貨公司度．不過，佢地叫佢做「觀覽車」．點都覺得冇咁貼切．

坐摩天輪，由排隊等就開始興奮，然後，踏入好似大空艙o既空間．慢慢離開地面，四週o既人會越來越細，會睇得遠好多．然後，一路轉上去，會變得同個天好近．好似變左識飛咁．同時，窗口吹入o黎o既風會逐漸變弱，跟住，地面o既人會慢慢變返大，就响仲覺得未坐夠時，太空艙o既門就打開...

睇起o黎好似變番同開始時候一模一樣，但係就曾經同個天好近．

就好會响名古屋o既時間咁．

p.s. 早陣子又要返part-time又要啃書，又懶左一排．不過，終於尋日考左試喇

我自己:沒心

朋友的blog死了，可能要花一段時間收拾殘局．

順道看看自己的blog．才發現－－很久沒更新了．這次不是去了那裏，一直都在名古屋．就是每星期都沒有抽時間寫blog．

不過，寫blog不齋戒沐浴，一言以蔽之，沒心寫．接下來的「好忙喇」、「揾唔啱相」、「今日太夜」等等，都是藉口．反觀，朋友的blog，就是想要做，怎樣也會把blog救回來．

沒心做的又豈止寫blog啦．

小創作:電梯的緊急制（四）

「快D睇下」亞聰向亞明叫著．轉頭又再睡著．
明走到控制台前，發覺，又是同一部．看著鏡頭，又是同一個男人
「又有咩事」這男人是在玩嗎?
「唔好發脾氣住」
被這樣一講，亞明更是氣上心頭．不過這次，男人很快就回應了．
「係呢，你地反應都好快，都冇10秒就回應」
就算係公司派黎都冇咁夜，不過，真係摸唔清個男人攪咩「咁都可能同人命有關」
「咁又係，如果我死左响度，都好麻煩」
「咁，今次有係咩事?」
「其實...你地係做咩」
做咩又同你有咩關係．亞明實在是沒有耐性同佢糾纏「我地好多野做」接著便準備離開控制台．
電梯的緊急鐘又響起．這次，沒有等亞明回應，對方已在講話．
「你仲响度?頭先麻煩左你，唔好意思......頭先入果陣，見到個對講機，唔知點解好想同你傾下偈．雖然我唔知你係邊個，亦都冇見過你．

不過，真係好想傾下偈．就算係一兩分鐘都好」

說罷，電梯開始在動．

第一 / 第二 / 第三

小創作: 關於 - 不能為自己做的事

首先，題外話．

希望在這段時間可以繼續寫故事，所以，就將所想的題材寫出來，觀迎各種感想/意見．

好，言歸正傳．

－－－－－－－－－－－－－－－－－－－－

所謂「不能」，可以是「千萬不要」，可以是「不可能」．這點暫不定論．

想到的，是「為自己一輩子做一個結論」．

就像畢業、結婚，或多或少都會為自己作一個結論，目前如何，之後要怎樣．諸如此類．那麼，在自己離開這個世界之前，需要嗎?或者，最不想見到的，像明星離世時一樣，忽然多了很多朋友，忽然變了聖人，變了信教，變了香港精神......　

可以的話，我會希望人生沒有遺憾．當中包括可以用自經理想的方式離開，離開時的儀式等．若果可以，最好重可以理一理單，睇下有咩未做，比如係駛晒所有錢，睇番一D好耐冇見o既人（舊情人?!），睇下有冇咩做錯左...

基本上，以上的都不可能做到．因為，我地唔知道自己幾時走．而就我自己而言，可能係千萬不要做．萬一，回頭一看，發覺自己一韃糊塗，而原來身邊的人都一直在忍耐...

小創作:電梯的緊急制（三）

亞明向亞聰問「條友好似玩野喎」但，亞聰在熟睡．
「咁...我要繼續巡樓喇」亞明隨便作個藉口打完場．
「等陣先」沈默良久的男人回答．
亞明沒有回答
「仲响度?」男人見對方回應．
「係．」覺得異樣但又不曉得怎樣回應的亞明回應．
之後，男人又再沈默．
亞明看着閉路電視．男人只是站在電梯的按鈕前．動也不動．
「如果你唔係困，又唔係唔舒服，咁我要繼續做野喇」亞明結束了對話．也不大明白，就是讓人有點不安．在這個時間碰到這樣的人．該是

人吧．難得亞聰睡得這麼好．「真係好係天跌落黎壓死在都唔知...」真是湵慕這樣的人．
亞明拿著電話，想要發短訊的樣子，卻又放下電話．

電梯的緊急鐘又響起．

第一 / 第二

小創作:電梯的緊急制（二）

「我地call人黎整，15分鐘之內就有人黎」
「若果我係大肚婆，就黎要生咪死得人」電梯另一邊回答
「唔好意思，我地檢查緊」亞明強裝鎮定．一邊再確定，但係統確實顯示運作正常．
「唔駛查喎～」
「我地仲未知道點解會困，真係唔好意思」
「唔駛唔好意思」
「唔係呀......咪住先，你頭先話唔駛查」
「係呀～」對方的聲音有點疲憊
「你冇野嘛」亞明察覺對方異樣．
「眼瞓啫~ 兩點幾眼瞓都好正常」
「...... 咁唔駛查? 架停左咁耐」
「我都冇襟」男人回答
亞明再看一看．真的啊．「咁.....有咩事你要㩒」
男人沒有回應．

(上一回)

來，成為uniclock世界的一部份吧

這陣子，很喜歡uniqlo的新CM．

首先是因為他的歌，很是深秋．有點沈厚的女聲，像耳語．然後，當然是那真的是七彩的世界．



若果喜歡，全曲可以睇：
http://www.uniqlo.com/merino/

歌名和歌手嘛：　"How beautiful" 土岐麻子

又因為這個CM，發現了，我也可以成為「世界」的一部份．又可以睇到唔同人o既blog...

名古屋一個窿:高達迷留意啊

早幾日考完試，好似中學果陣咁，去行下街，逛下機舖．就碰到佢．
螢幕有人咁高，有各式各樣資料，有敵方形勢，當然有對打場面．駕駛桿好似通片見o既款．好似真係駕駛緊咁．仲可以打team...

名古屋一個窿:嘆嘆熊

雖然有舖頭叫佢輕鬆小熊，我都係覺得叫佢嘆嘆熊襯D．

佢都真係幾紅，响街見到男女都帶佢响身唔在講，今日竟然見到．．．
就係咁，我就買左嚟飲．

都幾cute可～．

其實嚟到日本，都好少因為cutie而買一樣野，因為變番學生，就變番咩都慳．我嚟在咁耐都未買過汽水飲．牛奶都係久唔久先捨得買．今日點解咁闊?因為啱啱見完麥記，星期五過埋orientation就ok... 終於可以練下日文，又可以有D鬆動錢洗下...

名古屋一個窿:下半場

很久沒有同班合照了．是暑假前的事了．

現在，有同學已經停學，回國繼續之前的工作，有非常努的，相信下半年會升到進度較快的一班．有的要開始為升讀大學而要天下午留在學校上聯考的補習班的．似乎，大家都加速向目標進發了．
到目前為止，還不能順暢的跟日本人溝通．總覺得有點不大滿意．再想一想，四月來的時候連「我出去啦」跟「我回來了」也攪不清楚，現在已可以用簡單的日文去寫blog......
還得努力啊．剩下來的6個月，不單是為了要考好12月的公開試，是為了盡量讓自己能聽能講．相對於班內20代，記憶力跟學習能力衰退的我，可要加倍努力啊．這些日子以來，謝謝你們的支持啊 :)

名古屋一個窿:長命雨

據說今年日本的天氣不大正常．

在北海道的三星期，有兩個星期左右都在下雨．特別是在函館的兩星期，沒有雨傘是生活不了．不過，也就跟這次Home-stay有點似．

起初報名時，一看到北海道就聯想到牧場，想到陽光、花、草原、牛... 直到收到通知，知道被派到函館的一個退休家庭，沒有牛、草原，而天氣更是全雨天．

「對呀，平常這個時候天氣不錯．不過就你來到那天才開始下雨」寄宿家庭開玩笑的說．陽光都沒有～～　只好順其自然，對不對? 反正人都到這邊了．

寄宿家庭只有一個成員，是一位叫田中先生的70歲退休老師．是下雨吧，我沒有到處觀光，他也沒有像其他家庭一樣一開始就帶學生到處看．我們在家一起準備三餐，一起一邊喝酒一邊看電視．喝了酒的田中先生會變得活潑一點．我們的話題都是他喜愛的棒球和登山．就是他講了才明白．雖然之前看過好幾次棒球，到現在才比較明白他們的戰術，怎樣為之一個好投手．

「來幫幫手吧」田中先生的家在山上，有自己小小的一片田，蕃茄、青瓜、辣椒、粟米，甚至自己種菇！就是這樣，家務以外還會稍為整理田園，早餐時就到田裏挑．

「我早上會在附近散步，你會去嗎?」總得應酬一下吧，或許就是工作過的人才會這樣想，結果，就在沒有下雨的個清晨，我們04.45出發，快步繞到附近的一個公園．漸漸，看到雲層後的日出，晨光下的菜田和函館市．同時，一邊走，一邊聽他講他朋友的女兒去年如何被減薪，田中先生9月和10月的日本和尼泊爾登山計劃．轉眼就過了兩個鐘，又回到一起煮早餐的日程．接下來的日子，都是我在問他要不要再一起散步．

其實，沒有牧場、太陽、草原也不差呀．也就是因為下了長命雨，到離開前一天，雨停了．特別覺得黃昏可愛．就是因為之前下雨，可以稍為體驗一下久違了的家庭生活．

名古屋一個窿: visiting primary school

feeling like being a celebrity.

maybe it's because it is only for one day.

Part of the home-stay program was visiting primary school. We were first gathered in gynamsium with everyone and have mass dance. (yes, mass dance). We introduced ourselves, one by one, then was allocated to different classes. I was lucky that they were grade 2 students.

They were very pro-active in asking question, say my favourite food, color, country flag... some even tried using simple English word to communicate. Then there were performance, and I were given the souvenir i am holding in this photo... and, signed for everyone!! Before we left, I had lunch with them as you may have seen in TV drama. And, now I understand a bit why being primary school teacher is so tired as they are always so energetic.
p.s. some of them even sent me to the school entrance, watched me got into car and chasing the car while we were leaving... so Japanese drama-alike... and really like the energy and passion they have. That's why not understand how they turn into Japanese adult that I meet every now and then...

名古屋一個窿: a rainy day in 函館

still away from home... so english version only.

I have spent about 1 week in 函館. Locals also said weather is getting weird this year. A few days ago the temperature in morning hits 13 degree celcius. Hokkaido is cold in winter but winter does come that early. And, after tolerating consistently 35 degree celcius + temperature in 名古屋, i have been really looking for to cool weather but not a cold one, that soon. I only brought along some summer clothes and that's why, if u have a chance to see my photo later on, we will see me dress in kind of funny way sometimes.



Normally it's sunny around this time of the year, but it's been raining here since the day we arrived and keep on cloudy until that day the group of home-stay student leave... (meaning 10 cloudy/rainy day. luckily i extended my stay for 2 days). Most of us won't have a chance to see the beautiful European style building in 函館山area under bright sun light...


So, other than home-stay, i did my first exploration of the city in the rain in this city. The very beginning was fine. And, i found a interesting monument in front of the station

then, here comes the funny part.

Wind grew strong as if it was typhoon signal no.3 in HK. I was using umbrella from my host-family. Given that I saw many people of their umbrella tore/broke by strong wind, i gave up using umbrella (as many people did). Lucky rain was not too strong only the outer clothes got wet... and instead of enjoy the city, I was playing hide-and-seek with the strong wind, hopping between various building in the bay area.

this was how visible of a mountain nearby...

As usual, been trying to enjoy it. The area sounds a bit like the warehouse in Yokohama, with fancy restaurant, shops and of course souvenirs of Hokkaido. Again, nice to be there again in a sunny day...

The good thing is, I have been enjoying the stay here in this family a lot, which possibly gotta wait until i am back...(in Nagoya)

名古屋一個窿:收爐...

見到草球人就想起可以收爐唔做野...

名古屋一個窿: disappear?!

Remember last time i was doing the same is in Rovanemi in Finland...

Been having no internet access for 1 week, `cos i was away from my `home` in Nagoya, now travelling around in Hokkaido and soon reaching my last stop tonight, back start my home-stay program next Wednesday onwards in Hakodate...

Was a funny experience this time. `cos i can now speak very simple Japanese, with dictionary. Ran into many nice people who is so ready to share with you their thoughts and their fooooood :) And, the places that I have been staying are interesting as well.... So cozy that as if it were my home. So people did stay there for weeks. Some people re-union in the same hostel very year, some been there for 100 times...

Time to catch a train... (after waiting for 2 hours before using a cheaper ticket named `youth 18`)

小創作:電梯的緊急制（一）

快要兩點了．

亞明才在這裏上班一個星期．除了因為38樓的會計師樓加班，可以透過閉路電視看看幾個剛畢業的OL外，沒有甚麼養眼的．畢竟，當夜班就是等天光．看著每個螢幕都是水靜河飛．也難怪前輩早已倒頭大睡．

沒想到3號的緊急燈亮起來．

「聰哥，點攪呀」

叫亞聰的前輩，動也沒有動．只是咀巴輕微郁動．「困啫，叫佢定D，call維修」講完便繼續進入昏迷狀態．

亞明在控制台上找到對話的按鈕，緊張的說：「你定D啊」

「你仲緊張過我」對方傳來疲憊但平靜的聲音．

亞明再看著控制台，電梯是停在44樓．但，信號燈顯示電梯運作正常．44樓?又是深夜．明有點毛骨悚然，連忙看看閉路電視...

(to be continued)

名古屋一個窿:游泳操

好可能係只此一家．

係．係游泳操．即係如果你有上過訓練班，落水前要一齊做熱身果一種．唔同o既係，大概每個鐘做一次．就响上個星期日發生．

之前果日37度，終於令我捨得駛500 yen响日本游第一次水．其實同响香港游水大致一樣．但細節就幾唔同．比如，唔可以戴錶或首飾，一定要戴泳帽等．不過最特別都算係每個鐘全人類離開泳池休息，跟住會有廣播．「一二三四，二二三四...」大家，係！係大家，就會跟住做熱身操．就我所見，幾十人之中只有一兩個人唔做．至於點解? 可能驚你落水會凍啩...睇下有冇機會問下人...

p.s. 泳池影唔倒相...
p.p.s. 結果，果日游左1400米，比以前响香港多400米...攰到震

名古屋一個窿：花火,也可以很moody

雖然星期四考試，但還是和同學去了看花火 (即我們講的煙花)

平常的花火讓人覺得鬧烘烘．不知為何，這張相有D moody．是因為前面個肥佬成日左右郁?係因為棵椰樹遮左D烟花?係因為仲有唔少野未温?開始明白早前kafailo講，烟花(對還是覺得這名字比較貼切）一個一個放上天，boom，boom，一下一下咁聽住D廻聲，同平時聽住鳯陽花鼓睇果D年初二烟花係有D唔同．

其實今次仲有D好簡單又好得意o既烟花，好似西瓜、章魚咁．

B觀點:衝勁

還在上班時，會習慣講：「算啦！係咁嫁喇」

不知不覺，變了條老油條．認為有時發力也沒用．是以為，基本的工作大概都上手了．會覺得悶．甚至覺得悶是理所當然．

早陣子，在一個表演中，看到她
不是美人，但她跳得很投入，身手敏捷，不比身邊至少年輕四十歲的人遜色．就是有一股勁．

好，也要努力的為月尾的考試努力．

名古屋一個窿:試用期

「今日就滿三個試用期喇！覺得我點?」

「...之前都聽人地話你咩都冇．都唔係吖」傻B想了一想後回答

「咁樣好似唔算讚喎」

「點講呢~雖然你有o既野人地都有，而人地仲有好多名勝，有大show又好少有你份．不過，就係咁就啱讀書囉．生活費又冇咁貴」

「咁即係讚人地電話有防盜功能咁啫．因為又老土又冇款」

「咁又即係講唔上有型，不過，hea下hea下都幾啱．好似Noritake公園，就啱飲下野，睇下書．德川園就可以等秋天响市區睇紅葉．想懷念下荔園又可以去東山動物園．當然，仲可以去你附近D地方玩啦」

「你講到我淨係hea下hea下o既地方」

「...咁唔夠咩」傻B回答


其實也不太正確．傻B再想一想後說:

「其實D人都幾得意，會碰到一D『你唔識日文！費事同你講』o既人，但又會碰到，唔介意浪費時間，同我用單字同短句溝通o既日本人，就好似橦木館碰上o既人．响學校度，又好似番左中五咁，大家都開始為唔同目標努力响宿舍度，起初一條人傻下傻下，又唔想羣番D講國話或者講廣東話o既人．哈！又會百分百中的碰上想學英文的日本人．話唔埋遲D仲可以去睇佢個『成人式』」

「你個『成人式』都變左『過去式』好耐喇喎... 仲有呢D好似唔關我事喎」

「唔係撞倒你，都唔會遇倒呢D人啦」

「係撞架咩?」

「都係架！點解唔揀東京?貴囉．點解唔揀北海道？去其他地方太遠囉．好在遲D都會home stay．四國？仲鄉下過鄉下喎．」

「by elimination (消去法）先揀到我...」語畢，名古屋氣頂得温度上昇．升到今天的31度．

而傻B，就去食呢度o既第一次甜品buffet慶祝，是也!

名古屋一個窿:梅雨天

日本的梅雨天比香港來得遲．大概6月起，7月止．有點像清明時節的雨粉．不過老師說，今年跟往常不同，梅雨季節的好天日子比平常多．也許秋天時會較多聽到水存量低於警界線．

話雖如此，上週還是差不多下了一整個星期的雨．只能作戶內活動．其中重要項目：讀書．

吊頸要「抖」下氣，讀書要偷下懶．就在去厠所時，發現躲在一旁不到外邊揾食的鴿子．是避雨吧．或許．雖然雨不是下得很大．總之就要「抖一抖」．不過想一想，自己又何嘗唔係．要等好天啊．

日文版

雖然日文的程度還是不大好，還是開始了用日文寫blog．或許會很多文法上的錯誤或是上文不接下理的情況．不過，有興趣還是可以一看啊．

名古屋一個窿:不去体驗的体驗

唔經唔覺，今年又過左一半．如果而家先至諗新年大計，會唔會遲左D？ 就好似，而家先記番當初點解會o黎．其實無話遲吖！

記得當時的收到的反應是「終於都去得成嗱」、「仲以為你唔去添」、「係咪好難決定呀」、「你就好喇」．其實當時的想法是挺簡單的，若果不去，將來會後悔嗎?若果放棄了現在的所有的會怎樣? 這樣想答案就很理所當然．

不過，想深一層，為甚麼要來?是特別喜歡日文/日本嗎?多年前的原因反而是想到海外生活一段時間．其他的都是隨之而來的．

當然，記憶是會隨時間改變的．所謂當時真正的考慮已不大記得了．不過，就在一個百無聊賴的下午，忽然覺得，也許，我不是來体驗海外留學生活，而是想不去体驗現實有點營營役役的上班族生涯．因而選擇了做一個全職學生．似乎變成了為了不去体驗而留學......

p.s. 其他人都忙著上班的同時，在樹蔭下餵餵鴿，看似寫意．
然而，在日本生活似乎還挺困難呢．也許他也在「体驗」生活

名古屋一個窿:夏天到了

在名古屋，怎樣知道夏天到了?

• 踏入梅雨季
• 越來越熱 (當然!)
• 越來越多見到人着浴衣 (註一)
• 越來越多升學廣告
  
• 開始有烟花睇
  

係呀，可以行完一個祭 (註二)，帶埋啱啱買左D野食，再走去草地坐低睇烟花．

講到烟花，當然冇响香港咁「噓冚」，1500發烟花放一個鐘，起初就係逐個放．係！逐個放．
不過，每幾分鐘就會一堆放．而日本人同香港人唔同，佢地唔會「嘩~」--而係
「Hea~」「好靚呀」「好犀利呀(註三)」．當你覺得悶果陣就會有野睇下.....就响得烟花出現時，發現地上更好睇．就好係上屆冬季奧運個Samsung廣告咁，面前滿佈手機屏幕的光．大家都等待著拍照．

題外話．若果你留意左下角，會發現有個坐輪椅的觀眾．在這樣，他們都佷溶入社會啊．公用設施、節日、地鐵等，不是因為這裏特別多坐輪椅的人，而是他們都願意走出門口．而當然，相對的設備和服務亦較好．

你呢?你夏天就左咩?

註一: 浴衣，類和服，簡單D，uniqlo都有得賣
註二:（日語「祭」的意思，即有路攤、祭祀，即係睇日劇見到人地玩撈金魚o既場合）
註三:係呀．日文好o既唔好o既形容詞都唔係太多．所以咩都係「好犀利呀(註三)」

名古屋一個窿：第二個第一次

「上次踩單車都係中學o個陣~」台灣來的學長告訴我．

只計香港的話，已忘了上次係幾時．這次再坐上單車，是因為慳了坐地鐵的錢，是因為可以邊踩單車邊看櫻花，是因為久違了單車?都有吧．可以用不同時速看這裏真好．只踏幾下就走得很遠，真爽！記得從前都會約朋友一起到沙田踩單車．不過，總是在暑假，有點自己揾黎受......原來可以不一樣．

不一樣的還有動物園．本來都沒有放「必去」的清單上．只是因為免費，即管看看．沒想到也挺好玩．比當年荔園的活潑D的小象，有不停怪叫兼扮蜘蛛俠的猩猩，有企起身有一個半人高的北極熊，有永遠慢動作的樹獺...總之以前bio書入面有o既都差不多有...不曉得為何，看到動物時牠們都總是有人餵飼，到底一天有多少餐?

(去看相簿)

唔知仲有咩等緊我?

名古屋一個窿:記得帶多對波鞋

「記得帶多對波鞋」

點解咁煩?因為出面着入黎o既鞋唔入得羽毛球場...

今日難得梅雨季節的陽光，同學們選擇了打羽毛球．其實，來到這裏之後，是第一次做跑步以外的運動．不過，真的差點死去...

我們下午三點開始打，起初是隨意打的，後來就開始打雙打，用直接得分計分．得滿20分就可以換出來．點解換出來...?因為場地跟香港不一樣，以三個鐘為單位......　打到一半，大家都想儘快打滿20分．可憐其中一個同學，連繼5局都輸，結果連打5局，給大家起了一個「永遠的選手」的稱呼．

順帶一提，這裏是要自己set網同拆網的，而且旁邊有唔同人，有D打網球，有D練雜技...

名古屋一個窿:今日同大家玩遊戲

「唔係呢個，唔係呢個．」
「老師過o黎睇下...」
「yeah!」

今日考完試，又未放得學，老師就同我地玩左個拼字遊戲．老師講，然後我地鬥快揾出相對的拼音．由於有D字有長短音分別，都唔係咁易嫁．不過，到最尾都贏左！有小小禮物一份．:)

名古屋一個窿:夜媽媽，食西瓜

昨晚睡眼惺忪時的刷牙時，忽然聽到住隔壁同學仔打招呼．轉頭一看－－是一個比A4 File還要大點的西瓜！

你可知道，响日本食水菓並不平宜啊．就以橙為例，正常大小的就要100yen左右一個 (約HK$8)．西瓜更是不敢想啊．

「拿一半啊，我一個人食唔晒!」

嘩～！

「唔好o既～」其實個心好想．跟著就是幫手切．切完囉喎... He He,　到最後梗係有得食啦．但因為西瓜太大，就將西瓜切粒放在盒內保存，仲一邊飲西瓜汁．嘩～幸せ！ 放滿左三盒之後，還剩不少，同學仔再叫了兩個學長幫手食．

其實平時都冇特別食好野，有機會就當然帶俾同學食啦．或者大家真係慳過龍，見到西瓜都好雀躍！响課室食完飯就一邊拍照一邊分這盒西瓜．還不停的叫「嘩～幸せ」(中文就是「好幸福啊」)

名古屋一個窿:大人的Twilight

小時候見到Twilight這個字，會想起驚慄節目Twilight Zone．

在觀光中心看到大人的Twilight，又話有音樂，又有咖啡，仲要係一間歷史建築物入面，即管走去睇下．雖然唔係好想「駛錢」，不過，就算係coffee shop都啱荷車．

門口的接待友善得不得了，用英文夾我能明的的小學程度日文解釋這建築物的由來．原來，一帶都有唔少由昭和年代遺留o既舊建築．當年都算係高級住宅區，主要係商人．因為接待來賓/外賓的關係，在原有的和式建築外加建別館，變成「和洋合壁」．

另外，他們當天還有「tea party」!!很久很久沒有去tea party了，而且又是免費的．(對啊～)所以，儘管日文實在不足，還是硬著頭皮坐下．

之所以叫大人的Twilight，原來，Twilight在日文是指黃昏．(為甚麼用Twilight而不用evening，可能要開另一個題目叫日本式英文．簡單的可以參考DoCoMo的全寫: Do communication more)而大人嘛...就是像我這些(開始)上年紀的人．(若果在書局看到「大人的旅行」不要想歪啊，裏頭都是歎紅酒那類型高消費玩意)．基本上都是chit-chat，不過，會長就帶了他外父留下來的一個煎茶爐來給大家鑑賞......

後來嘛，就這樣由黃昏坐到天黑，由免費的咖啡和餅，到後來的壽司和啤酒．(對都是免費的)，雖然只能有限的溝通，不過著實感覺良好．這星期還會有絃樂演奏呢...

名古屋一個窿:都到京都睹一睹(二)

京都好玩嗎?基本上係冇野玩，要有耐性同少少錢睇下寺廟、嘆下和食．或者就好似園景咁，睇個園景同時，要睇埋佢點借景．至於大路o既選擇，可以係：

• 錦小路通：街市feel，可以邊行邊食，又可以睇特色土產．
• 鴨川：有bar、有特色餐廳，夏天可以响河邊坐納涼床
• 衹園辻利：宇治茶相關甜品，去到會見到，中午去要排半個鐘

值得一提的是，自然景色加上寺廟可以話係「一支棒」！春秋二祭(櫻花/紅葉)都起靚，不過就早D住宿．

名古屋一個窿:記得帶薯片

「記得帶薯片喎』
「聽朝早D起身整三文治呀』
「跟住落黎o既問題係...』

記唔記得上次去學校旅行係點呀? 我就唔記得．好彩，有機會再試一次．

無錯，所謂「未出發，先興奮」之前o個日己經响學校傾要帶D咩，食D咩，玩D咩，睇D咩．又要特登早D起身整午餐．不過都值得．Get into the mood嘛．

原來，响旅遊巴上面會玩遊戲，答中問題仲會有街上買唔到o既禮物一份--學校o既原子筆或者File一個......　又會玩下急口令，係呀，梗係日文啦．就係咁，玩下玩下咁就過左兩個半鐘o既車程．

係喎，講到唔記得左目的地．係京都宇治o既平等院．係點樣?睇下相啦!
後記：若果你有10 yen，平等院就係响背面o既建築物．

名古屋一個窿:吸塵

因為家裏沒有吸塵機．也因為家裏有媽媽，從前都不用吸塵，更不用洗衣服．到這裏後，又不想自己太「烏遭」，每一兩個禮拜總會吸吸塵，執執房．而幸好只是住了一個多月，很快就收拾好．不過所謂的好快，連洗衫晒衫，每個星期都要用一兩個鐘，所以，久不久都會想買多D衫，咁就可以耐D先洗一次...

B觀點:驚

星期天上午在公園閒逛時，竟然有隻龜行响我前面．四周又冇水又冇野食，到底佢要去邊?同時，其他人都好似我咁望住隻龜．
呢個時候，其中一個亞婆執起隻龜，順手一飛......就將隻龜飛到五米外o既池塘．身旁另一亞婆細聲道：「隻龜都幾驚...」

名古屋一個窿:都到京都睹一睹(一)

雖然不是紅葉或櫻花季節,京都畢竟是京都.

以下是其中一部份...

第一天

第二天

記得當年跟團，就只去了清水寺和西陣織，一天不到的時間就離開了．就像到香港後只到了太平山頂和土瓜灣金馬桶珠寶一樣．這次可以見到好食的甜品店用半個鐘去排隊，見到著和服的不漂亮得下一個再拍，到住宅區試試錢湯(即澡堂)．更可以用簡單的日文去問觀光情報．

那麼京都要玩多少天?不曉得，我有大概兩天半，就只到過市內觀光．其實附近還有很多東西可以看...

B觀點:有神靈就有商機?

純粹從觀察去分享．

記得去年到伊朗時，起初見到廟就影．到後來，發現每一個市集(bazaar)都有至少一間廟，規模大少都有．才停止了差點變了本能的「拍廟」行為
早前到京都，同樣的老毛病又發作了．一見到廟就影．亦漸漸發覺，每一個商店街(區)都有廟．
雖然所信的神靈不一樣，不過兩個地在這方面挺相似的．是群居的集性相似吧．因為有一聚集，所以需要有廟．之後，既然有人流，當然要賣拜祭用品，之後就是吃的，用的...也許商機就是這樣來的...

若果是真的話，不知道香港的教會或寺廟會否能振興經濟?

名古屋一個窿：八達通

朝早上坐地鉄上堂時，出閘時很自然的拿出銀包，想將八達通放到閘機．

還好，想起自己不在香港，只有定期通學月票．馬上就拿出月票出閘．

沒想到自己用八達通的習慣是那麼的根深柢固．大概我們都是這樣去將生活變得簡單．而在新環境中，一切又要重新開始．

B觀點:下午的陽光

下午的陽光
是用來睡下午覺用的
放下筆記吧

名古屋一個窿:沒預想的迷戀

簡直是一見鍾情．

從來不曾留意你的存在．但就在這一個月內，發覺欠了你是多麼的缺乏．飲食都變得不能再簡單．

也遇上過自動送上門的，但就是吵得不得了，特別是在夜裏．只好將他冷落．

是命中注定，前天下課時再到那裏，就碰上了你...我久違了的雪櫃．而價錢也算可以．終於可以預先買一點肉在星期天煮，可以買可樂回來冰，可以把生菓保存得好一點點．至於之前宿友送那個吵得不得了的舊雪櫃...對不起

他就是新歡啊．

名古屋一個窿:各個分行各個例(2)

上回講到，開左兩個戶口．咁張匯票呢?

記得去UFJ(三菱東京富士銀行)時，有一間話要等半年，另一間就話OK，不過要我攞倒外國人登陸証先得．

由於四月好多留學生，要等四星期才有．若果跟規矩，今日先可以開戶口．以靈活自恃o既香港人當然唔會就範．我就跟學校建議，去左一間可以開戶口o既分行．諗住再返去原來o個間分行存張匯票．

當時我仍然勇於嘗試，就在開戶口的同時，問分行職員．職員凝重的請示坐在後面的西裝中坑．(對，是中坑)，經一輪我不明白的日文後．

「開戶一年後才可以存」

天啊！我還以為半年已經很久．

走為上著，去番原本o既分行問．

沒碰上當日的職員已心知不妙，一問之後，職員叫我先坐低．一等就5分鐘．再問，就問我係咪之前响附近分行開戶，當時的職員不是已解釋給我聽等等質問...

這小聰明的把戲給揭穿了．我就跟職員說我不明為甚麼要一年．結果嘛，她帶我到外幣對換櫃台，找來一位會說簡單英語的職員，然後就是重覆之前的說話．但問到為何要一年．

「對不起，就是不可以」

我懷疑全個名古屋都沒有人知道為甚麼要等一年．

之前會想省吃省用，其中原因是不知甚麼時候才能匯款呢．

不過還好，到最後，還是找朋友幫忙匯款了事．實在不能用不懂的言語跟他們理論...

p.s.終究銀行戶口只是生活的一少部份而已

名古屋一個窿:古都之旅

終於,第一次本地遊喇... 點解D衫冇我份?

名古屋一個窿:野球的熱

「你地香港人鍾唔鍾意睇棒球?」

好一個問題．香港連棒球場都冇．認識的只有一人有打．所以覺得同學的問題有點奇．不過．最後還是應邀去看球賽．

對壘的是名古屋主場中日隊和橫濱隊．

去到車站時，發現
由地鐵通道開始是鋪天蓋地的球員資料、球賽預告、球員英姿、球隊歷史．我就淨係同領隊影相．同行友人就梗係企响靚仔球星前面留影啦．

到喇！
後面就係名古屋巨蛋．都坐倒幾萬人．比賽可以全天候進行．入去之前，梗係要醫醫肚．比賽由六點開始，維持約三個小時．好在旁邊就有個apm款o既大商場．一到門口就見到人龍．誰不知，原來是球隊的專賣店．
不解．有這麼多人要買球隊的紀念品?他們不是一兩件的買，是掃貨式的五六件咁買．到底點解要買咁多紀念品?
到喇到喇！好似演唱會咁，都幾好氣氛．入到場仲厲害．見好多人都著晒波衫黎．坐間離果兩個西裝友，一黎就即刻除呔著波衫．好初仲以為同學著波衫黎有D誇張...
經簡單解釋，大概明白棒球是怎樣一回事．跟住，就收到打氣歌紙．
每個球員都有自己一首歌．當然，內容都係「衝呀衝，快搶攻．」之類．

而好玩處係．第一，有人帶隊．有一班狂熱份子帶頭．
另外，就係剛才買的紀念品，原來係用黎打氣．人人手執兩枝好似 bon-bon棒o既球棒．一邊唱打氣歌一邊做動作(當然仲要一邊睇球賽)．仲記得同學話，第一次黎睇，都見唔倒個波，淨係見人走黎走去．


當日比賽好唔好睇．因為第一次睇，加分．但係我地捧果隊就好似食左豬油咁，成一連第一個壘都上唔倒就俾人out左．到第6局先至有得分．所以嘛... 結果係...話雖如此．但現場氣氛實在加分，包括响我後面完全唔洗睇歌詞又唱得好大聲o既肥仔，我隔壁果D西裝友變身o既熱情中坑，有戴爆炸狗假髮o既亞叔，有漂亮買汽水姐姐，有由屋企人帶黎o既失明人．仲有，百份百投入o既同學啦．

卒之，九點半完場．４比２．以為大家都走啦．雖不知，記念品店還是爆滿...日本人．